Скачать или смотреть ألذ ٧ سلطات جربتها معاكم للكيل 🥬 ضروري تجربونها 🥹💚

أهلًا أهلًاا 💛✨

وصفاتنا اليوم لعشاق الكيل 😍🥬
بفيديو اليوم راح أشارككم سلطات كيل ،
جدًا سهلة ولذيذة ، ضروري تجربونها 💛 ..

بالبداية هالخطوة ضروري ضروري نسويها للكيل 👀 ، الكيل لازم يتسوى له مساج قبل الأكل ،
وأفضل طريقة جربتها هي :
ننقع الكيل بموية وخل وبعدها نغسله وننشفه زين ،
نقطعه شرائح رفيعة ونضيف عليه زيت زيتون ،
ونسويله مساج من ٥-١٠ دقايق ، لما يطلع معانا طري ويتغير لونه 💚 ..

ونبدأ بالوصفات /

——————-——————-—

١- ( سلطة الكيل والتمر )
مرره سهله وسريعه ولذيذه ومقاديرها جدا بسيطة ضروري تجربونهاا 😋💕 ..

للصوص راح نحتاج 🥣 /
زيت زيتون - خل أبيض - عسل - خردل ديجون - عصير ليمون - ملح وفلفل أسود ..

للسلطة راح نحتاج 🥗 /
كيل ، و راح نضيف عليه المكونات :
تمر - لوز - جبنة فيتا - الصوص اللذيذ 😋 ،
نقلب المكونات كلها زين مع بعض ، وخلصناا ..

جدا لذيذة ومقاديرها بسيطة 🥹 جربوها متأكدة راح تعجبكم ان شاء الله 💛 ..

——————-——————-—

٢- ( سلطة الكيل الآسيوية )
اللي يحبون يجربون وصفات سلطات جديدة ومبتكره أنصحكم بهالوصفة 😍

للصوص راح نحتاج 🥣 /
ملعقة طعام ونصف زبدة الفول السوداني + ملعقتين طعام خل الأرز + ملعقة طعام عسل + ملعقة طعام زيت زيتون + ملعقة طعام صويا صوص معتدلة + ملعقة شاي زنجبيل + ١ فص ثوم + ملعقتين طعام موية ، نقلب المكونات زين وممكن تجربونهاا اذا تحتاج اي اضافة (انا اضفت عليها شوي عصير ليمون و خل ابيض و رشة ملح وفلفل أسود) ..

للسلطة راح نحتاج 🥗 /
كيل و راح نضيف عليه المكونات :
كينوا + إدمامي + ملفوف + جزر مبشور + بصل أخضر + كزبرة + كاجو ..
نقلب المكونات كلها زين مع بعض ، وخلصناا ..

اللي يحبون السلطات الجديدة انصحكم تجربونها 🤤💛 ..

——————-——————-—

٣- ( سلطة الكيل والكينوا )
هالسلطة اللذيذة جربتها بمطعم وماقدرت ما أسويها معاكم 🥹
لذيذة لذيذة لذيذة 💛💛💛💛

للصوص راح نحتاج 🥣 /
عصير ليمون + زيت زيتون + خل بلسميك + عسل +
خردل ديجون + رشة ملح وفلفل أسود ..

للسلطة راح نحتاج 🥗 /
كيل وراح نضيف عليه :
كينوا + شرائح تفاح + يوسفندي (او برتقال) + جبنة فيتا + جوز بيكان ،
نضيف عليهم الصوص اللذيذ ونقلبهم زين ..

اللي يحبون مكس الحالي والمالح جربو هالسلطة 🥹 متأكدة راح تعجبكم ان شاء الله 💛✨

——————-——————-—

٤- ( سلطة الكيل الخضراء )
أو سلطة اليوم الوطني 👀🇸🇦
جدا جددا لذيذة ضروري تجربونها 🥹💚

للصوص راح نحتاج 🥣 /
عصير ليمون - زيت زيتون - خردل ديجون - عسل -
ثوم - شبث - ملح وفلفل أسود واختياري نضيف عليهم رانش ، الكميات حسب ماتحبون ..

للسلطة راح نحتاج 🥗 /
كيل - بقدونس - شبت - خيار - تفاح أخضر - جبن فيتا ،
نقلب المكونات زين ونضيف عليهم الصوص اللذيذ ونزينه بخبز عربي قطعته شرائح رفيعة وأضفت عليه زيت زيتون وزعتر ودخلته الفرن يتحمر ..

وبالعافية عليكم يارب 😋💚🇸🇦 ..

——————-——————-—

٥- ( سلطة الكيل وجبنة الحلوم بالعسل 🍯 )
جدا جدددا لذيذه ضروري تجربونهاا 🥹💛 ..

بالبداية راح نجهز تتبيلة جبن الحلوم 🤤 /
نقطع جبن الحلوم مكعبات ونتبله بـ :
زيت زيتون - عسل - عصير ليمون - فلفل مجروش ،
نخليها شوي وبعدها نحمرها على الصاج لما تطلع معانا بهاللون الحلو 🥹❤️ ..

للسلطة راح نحتاج 🥗 /
كيل ونضيف عليه :
شرائح تفاح رفيعة + كينوا + رمان + جوز ..

ونضيف عليهم الصوص اللذيذ 🥣 /
زيت زيتون + عصير ليمون + عسل + خردل ديجون +
خل تفاح أو خل أبيض + كريمة البلسميك أو خل البلسميك + ملح وفلفل أسود ونعناع مجفف ..

نقلب المكونات زين ، و بالعافيةة عليكم يارب 😋💕 ..

——————-——————-—

٦- ( سلطة الكيل والحمص المقرمش )
أول مره أجرب معاكم سلطة الكيل بصوص الطحينة 🥹🤍 ،
و أبدا أبدا ماتوقعتها بتكون لذيذة كذا 😭 ضروري تجربونهاا ..

بالبداية راح نجهز الحمص المقرمش ، راح نضيف عليه /
زيت زيتون - ملح - فلفل أسود - بابريكا - كمون ،
نقلبهم زين وعلى الفرن أو القلاية الهوائية ..
ونجهز البطاطا الحلوة بنفس الطريقة بعد مانقطعها مكعبات ، ونخليهم على جنب ..

للصوص راح نحتاج 🥣 /
تتبيلة الرانش ونضيف عليهاا :
طحينة - عصير ليمون - خل أبيض - ملح وفلفل أسود ، (ممكن تخففونه بشوي موية) ..

للسلطة راح نحتاج 🥗 /
كيل ونضيف عليه :
الحمص المقرمش 🤤 + البطاطا الحلوة + حب قرع + جبنة ماعز أو فيتا ..

نقلب المكونات زين ، و بالعافيةة عليكم يارب 😋💕 ..

——————-——————-—

٧- ( سلطة الكيل اليونانية )
جدا جدا لذيذة وخفيفة 🥹 ضروري تجربونهاا ❤️

بالبداية راح نجهز الحمص المقرمش ، راح نضيف عليه /
زيت زيتون - ملح - فلفل أسود - بابريكا - كمون ،
نقلبهم زين وعلى الفرن أو القلاية الهوائية ..

للصوص راح نحتاج 🥣 /
ليمون + زيت زيتون + خل أبيض + خردل ديجون +
ملح وفلفل أسود + أوريجانو..

للسلطة راح نحتاج 🥗 /
كيل ونضيف عليه :
الحمص المقرمش + طماطم كرزية + خيار +
زيتون كلماتا + بصل أحمر + كيبرز + جبنة فيتا ..

نقلب المكونات زين ، و بالعافيةة عليكم يارب 😋💕 ..

——————-——————-—

وبكذا نكون وصلنا لنهاية فيديو اليوم ،
اذا تعرفون احد يحب السلطات او يحب الكيل لاتنسون تشاركونه الفيديو 💛 ،


ان شاء الله يارب تكونون حبيتو وصفتناا اللذيذة اليوم 🙏🏻
لاتنسون اللايك ❤️ الاشتراك بالقناة 📺 و تفعيل الجرس 🔔
واشوفكم بالوصفات الجاية ✨


#طبخ #طبخات #طبخات_سهله #طبخات_لذيذه #طبخات_سريعه #وصفة #وصفه #وصفات #وصفات_سهله #وصفات_لذيذه #وصفات_سريعه