ابوعركى البخيت - لو كنت ناكر للهوى زيك

Описание к видео ابوعركى البخيت - لو كنت ناكر للهوى زيك

كلمات : عوض أ حمد خليفة والحان عركي
تسجيل قديم لتلفزيون السودان من حفل راس السنه 1983 بفندق هيلتون
الشكر للاخ ودالمهدي والاخ الكوبي وتحيه لكل عشاق الطرب الاصيل

لو كنت ناكر للهوى زيك ..كنت غفرت ليك
كل العذاب العشته في حبك وكل حقي العليك
لكني عايش للهوى .. لكني عايش للشقى
وكل يوم بترجى فيك..
وريني كيف اغفر وانت شقاي سببته بيديك ؟؟

حاولت اخدع نفسي يا ظالم ..واهجر حبي اليك
حاولت امنع نفسي منك ..وتاني ما امشي واجيك
ورحلت عنك..!!
وعن دياري..!!!
وهدمت كل امل لديك
وبرضي ..ماقادر اسيبك!!
لما انساك ..بشتهيك
بشتهيك.. مع كل دفقاتي الحنينة
ومع كل دمعة شوق سجينة ..تهاتي بيك روحي الحزينة
واشقى لما تهاتي بيك..واتعذب لما تهاتي بيك
وريني كيف اغفر وانت..
انت اضعت كل آمالي فيك ؟؟

ماكنت فاكر انا يوم ..بلاقي الحب ..ولا بكشف دروبه
ولا قلبي - من شدة اباه - بتقدر الاشواق تذيبه
لكن
لكن غرامك ..حبة حبة ..
ساقني اليك بي ناره ولهيبه
وسرقت قلبي يا حبيبيي ..تاني كيف منك اجيبو ؟؟
وانت يا ناكر غرامه ..قلبي ماااااا بتسمع كلامه
بدون سبب يرضيك خصامه ولوعة العشاق تصيبه !!!
تنساني يا ظالم وقلبي المعاك ..مفتكرك حبيبو ؟؟؟
لو كنت ناكر للهوى زيك..
كنت غفرت ليك

Комментарии

Информация по комментариям в разработке

Похожие видео