Скачать или смотреть ظہر، عصر اور عشاء کی سنتوں کے دوران جماعت کھڑی ہونے کا گمان ہو تو کیا حکم ہے؟

ظہر، عصر اور عشاء کی سنتوں کے دوران جماعت کھڑی ہونے کا گمان ہو تو کیا حکم ہے؟
واضح رہے کہ عصر اور عشاء سے پہلے چار رکعات سنت، سنتِ غیر مؤکدہ ہے، لہذا اگر عصر اور عشاء سے پہلے کی چار رکعت سنت شروع کی اور سنتوں کی ادائیگی کے دوران اقامت ہوجائے تو اگر تیسری رکعت شروع نہیں کی تو دورکعت پر سلام پھیرکر جماعت میں شامل ہوجائے، اور بعد میں اس کا اعادہ لازم نہیں ہوگا، اور اگر تیسری رکعت شروع کردی ہو تو تخفیف کے ساتھ سنتیں مکمل کرکے فرض نماز میں شامل ہو ،سنتوں کو زیادہ طول نہ دے۔
اور ظہر سے پہلے کی چار رکعت سنت ، سنتِ مؤکدہ ہے، اس لیے اگر ظہر کی سنتوں کی ادائیگی کے دوران فرض نماز شروع ہوجائے تو بہتر یہ ہے کہ چار رکعت سنتیں مکمل کرکے فرض نماز میں شامل ہو،تاہم اگر دورکعت پر سلام پھیر کر جماعت میں شامل ہوجائے تو یہ بھی جائز ہے، البتہ اس صورت میں فرض کی ادائیگی کے بعدمذکورہ سنتوں کی ادائیگی کرنا ہوگی؛ کیوں کہ ظہر کی چارسنتیں ایک سلام کے ساتھ مسنون ہیں، اگر کسی وجہ سے وہ نماز سے پہلے رہ جائیں تو نماز کے بعد ان کی قضا کی جاسکتی ہے
لہذا ایسے وقت میں (یعنی جب جماعت شروع میں ہونے میں کچھ وقت باقی ہو) ان سنتوں کی جو مسنون تعداد ہے، اسی کے مطابق نماز شروع کرلینی چاہیے، پھر اگر درمیان میں اقامت شروع ہوجائے تو مذکورہ بالا تفصیل پر عمل کیا جائے اور اگر نماز کھڑی ہونے والی ہو تو فجر کے علاوہ دیگر سنتیں شروع نہیں کرنا چاہیے
Darul Uloom | Darul Uloom Deoband
#jamiat #sunnah #tayyibqasmi

Link Fatwa 👇👇👇

https://www.banuri.edu.pk/readquestio...