«ដី»ដែលភ្ជួររាស់កាន់តែច្រើនដង កាន់តែបាត់បងគុណភាព!

សៀមរាប៖ មជ្ឈមណ្ឌលសេវាក ម្មកសិកម្មអភិរក្ស បែងចែកដីជា៣ប្រភេទ៖ ទី១. ដីព្រៃ, ទី២. ដីដែលកសិករដាំដុះដោយភ្ជួររាស់ និងទី៣. ដីដែលធ្វើកសិកម្មបែបអភិរក្ស។ បើតាមលោក សួស វុទ្ធី បុគ្គលិកនៃមជ្ឈមណ្ឌលសេវាកម្ម កសិកម្មអភិរក្ស ការភ្ជួររាស់ដីច្រើនដងពេក នឹងធ្វើឲ្យបាត់បង់គុណភាពដី និងស្រទាប់ដី។ ដីព្រៃ ដែលមិនត្រូវបានកសិករប្រើប្រាស់ដើម្បីដាំដំណាំ ជាដីមានគុណភាពល្អ ប៉ុន្តែក្រោយពីកសិករបានដាំដំណាំលើដីនោះ ដោយប្រើប្រាស់សារធាតុគីមី និងភ្ជួររាស់ច្រើនដង ធ្វើឲ្យបាត់បង់គុណភាពដី។

អ្នកជំនាញកសិកម្ម សួស វុទ្ធី បញ្ជាក់ពីរៀបធ្វើឲ្យដីមានគុណភាពល្អឡើងវិញយ៉ាងដូច្នេះថា៖ «កសិករគួរតែដាំដំណាំ ដែលផ្ដល់ជីជាតិដល់ដី ជាពិសេសប្រភេទដំណាំគម្របដី»។ លោក វុទ្ធី ពន្យល់បន្ថែមថា ដីដែលត្រូវបានធ្វើកសិកម្មតាមបែបអភិរក្ស ពោលគឺដាំដំណាំប្រភេទគម្របដីក្នុងរយៈពេល៦ឆ្នាំ នឹងអាចឲ្យដីមានគុណភាពល្អវិញ ហើយគុណភាពដីនោះល្អប្រហាក់ប្រហែលនឹងដីព្រៃផងដែរ។
#Land
#Agriculture
#ThmeyThmey25
--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey