Скачать или смотреть بنك الجود | مهداه الى غانم مستهيل معتوق باقي | كلمات الشاعر: محمد عيسى بيت سعيد |حصري٢٠٢٦🔥

كثرما كُنت ابذل المجهود في سهر الليال
و كثر ما خارت عزومي والمشاعر منهكه

ما جنيت من الليالي غير ضيق وهم بال
و كلفتني بالهزائم معركه في معركه

لين همي وسط جوفي من معاناتي استطال
للحياة الواقعية من خيالي يشبكه

من فراقك يا حبيبي عشت في فترة سجال
فاجعة اودت بقلبي في سبيل التهلكة

الفراغ الي تركته في حياتي لا يزال
لو دريت بحجم كبره ما اظنك تتركه

ما طرى شيئا جديد ولا بقى شييا يقال
من غيابك كل واقع صرت اشوفه فبركه

لو خدمنا حظنا ما يوم عشنا في جدال
مثل ما يخدم ابن سلمان شعب المملكه

كان ما اعطى وصالك ف علاقتنا مجال
كل طيفا صوب داري يا نديمي حركه

ما يسعني اي كائن حي بغيابك تعال
الحياة اللي بدونك فارغة مستهلكة

كل هذا الفقد ماهو ضرب من وحي الخيال
شاعرا حابب يبسط ما ضميره شربكه

ماني من اللي يحبون الجفاء والانعزال
والشعر يبدو لي اني قد اغير مسلكه

في مديح الفذ غانم ببدع السحر الحلال
واغوي الي يعشقون الشعر باللي احبكه

ماني بحاجة محافل كي ادون لي مقال
في الذي حاز المراجل وعتبرها منسكه

الكريم الي قطع يد الفقر باكرم نصال
في نظر عينه يشوف البخل نفسا مشركه

مومنا بأن العطى ماهو مجرد بالريال
كم عاني له وصل يطلبه فزعة وادركه

جاه لو ما كان يعرف وش مقدمة السؤال
ماترك ناصيه حاير او بنفسه شككه

يعرفونه في الجنوب وذاع صيته فالشمال
راعي الرسمي لبنك الجود باللي يملكه

بومعمر قبل جاهه نعرفه ذرب الخصال
من صغر سنه وفعله بالمراجل حنكه

ما ذخر في كل موقف اي جهد واي مال
كم موقف كشّر وجيهً ووجهه ضحكه

ما يثقّل كاهله حملا ولو وزنه جبال
شال مثله ضعف واكثر والحمل ما برّكه

معجبينه من كثر ما يضربوا فيه المثال
حبه الطفل الصغير ومن يدينه امسكه

ماخذن من كل خصلة طيبه بين الرجال
ثم جمعها بشخصه واصبحت له ماركة

في القبيله كلما عقدت من الضيقه حبال
ما بقى للضيق حبل الا وغانم فككه

لو مثل غانم معك من ابن عم او ابن خال
ما تشوف الوقت وصروفه امامك مهلكه

عفته عما يعيبه عن دروب الإنحلال
بن عفيف اسم ومسمى بالطمع ما يشركه

من سلالة ال باقي في سموه والجلال
الزمن بقساوته في دورته ما يربكه

من كلمات الشاعر: محمد عيسى علي بيت سعيد
مهداه الى غانم مستهيل معتوق باقي
أداء:حسين المعشني
تصميم:محمد العوائد
حصري٢٠٢٦