Скачать или смотреть A lejohet të falen dy rekatet e hyrjes në xhami në kohën kur është i ndaluar namazi - Albani

Imam Muhamed Nasirudin el-Albani (Allahu e mëshiroftë!)
Përgatiti: Stafi "perlatmuslimane.com"

Pyetje: "Nëse hy në xhami pak para ezanit të akshamit, a më lejohet t'i falë dy rekate apo jo?"

Përgjigje: "Lejohet, madje edhe obligohesh. Ajo që nuk të lejohet është të ulesh para se të falesh, ngase Profeti alejhis-salatu ues-selam ka thënë:

إذا دخل أحدكم المسجد فلا يجلس حتى يصلي ركعتين

"Kur ndonjëri prej jush hynë në xhami, të mos ulet derisa t'i falë dy rekate."

Dyshimi që vjen në mendjen e disa kërkuesve të dijes në lidhje me këtë çështje, është se kjo kohë është e urryer për namaz. Prandaj, si mund të themi se është e lejuar t'i falim dy rekatet e hyrjes në xhami? Përgjigja jonë është nga dy kahe:

E para është nxjerrë si rezultat.

Kurse e dyta, si rezultat i krahasimit parësorë (el-kijas el-euleuij).

Kur jemi tek e para, dijetarët e hadithit e kanë përmendur shkencën e Mustalahut (një nga shkencat e hadithit) dhe e ka cekur Shejkhul-Islam Ibnu Tejmije, kur ai flet për hadithin e dy rekatëshit të hyrjes në xhami dhe ndalesës për t'u falur në kohë të caktuara.

Pra, dijetarët e hadithit, e ndër ta edhe Ibnu Tejmije, thonë: "Nëse vinë dy hadithe në kundërshtim me njëri-tjetrin, e që kuptimi ndërmjet tyre nuk mund të lidhet, pos nëse i japim përparësi njërit ndaj tjetrit; apo të shprehemi ndryshe, ta specifikojmë njërin prej dy haditheve me kuptim të përgjithshëm ndaj tjetrit." Në këtë rast, cili prej dy haditheve mund të jetë i specifikuar, e cili mund të jetë specifikues ndaj tjetrit?

Dijetarët e hadithit thonë: "Nëse në njërin prej dy haditheve me kuptim të përgjithshëm, është futur ndonjë specifikim, e në tjetrin nuk është futur ndonjë specifikim, atëherë e specifikojmë hadithin e përgjithshëm, i cili ka pranuar të specifikuarit -me hadithe të tjera- me hadhithin i cili nuk ka pranuar të specifikohet." Shembulli i këtij rregulli është në meselenë në të cilën po e shqyrtojmë. Thënia e Profetit alejhis-selam:

إذا دخل أحدكم المسجد فلا يجلس حتى يصلي ركعتين

"Kur ndonjëri prej jush hynë në xhami, të mos ulet derisa t'i falë dy rekate."

Ky është hadith i përgjithshëm, ngase fjala "idhaa (kur-nëse)" nënkupton se "në çfarëdo rrethane, gjendje e kohe që hyn në xhami, atëherë fali dy rekate." Ky është hadith me kuptim të përgjithshëm, të cilin e kundërshton hadithi:

لا صلاة بعد العصر حتى تغرب الشمس و لا صلاة بعد الفجر حتى تطلع الشمس

"Nuk ka namaz pas ikindisë derisa të perëndojë dielli. Dhe nuk ka namaz pas sabahut derisa të lindë dielli."

Ky hadith ndalon faljen e çdo namazi në këto dy kohë. A mund ta specifikojmë hadithin e dy rekatëshit me hadithin që ndalon namazin në këto dy kohë? Apo të specifikojmë hadithin e ndalesës në këto dy kohë me hadithin e dy rekatëshit të hyrjes në xhami? Përgjigja është kjo e fundit, sepse hadithi që ndalon faljen në këto dy kohë, nuk është gjithëpërfshirës, ngase është specifikuar me specifika të shumta."