Скачать или смотреть Tibetan Song | བཞུར། | Melt | རྟ་མགྲིན་ནོར་བུ་དང་བསོད་བཀྲ། | Tamdin Norbu & Soeta

#tibet #tibetan #tibetanmusic #tibetansong #karaoke #2024 #lyrics #lyricvideo #breakupsong #lovesong #melting #snow #snowfall

གཞས། བཞུར།
ལེན་མཁན། རྟ་མགྲིན་ནོར་བུ་དང་བསོད་བཀྲ།

ཁ་བ་མར་མར་འབབ་པའི་དུས།
མཚན་མོ་དེ་ཡང་རིང་དུ་སོང་།
ཁ་བ་མར་མར་འབབ་པའི་དུས།
གཉིད་ཁུག་རྒྱུ་དེ་ཁག་སོང་།

ཁ་བ་མར་མར་འབབ་པའི་དུས།
ཁང་ཆུང་དེ་ཡང་གྲང་དུ་སོང་།
ཁ་བ་མར་མར་འབབ་པའི་དུས།
སེམས་པ་དེ་ཡང་འཁྱགས་སོང་།

འབབ་བཞིན་པའི་ཁ་བ་མཛེས་སོང་།
སར་མ་ཐུག་གོང་ནས་བཞུར་སོང་།
ང་གཉིས་བརྩེ་དུང་དེ།
ཁ་བ་ནང་བཞིན་བཞུར་སོང་།

འབབ་བཞིན་པའི་ཁ་བ་མཛེས་སོང་།
སར་མ་ཐུག་གོང་ནས་བཞུར་སོང་།
ང་གཉིས་བརྩེ་དུང་དེ།
ཁ་བ་ནང་བཞིན་བཞུར་སོང་།

ཁ་བ་དེ་མར་མར་འབབ་པའི་དུས།
མཚན་རིང་པོ་དེ་ཡང་འཇམ་དུ་སོང་།
ཁ་བ་དེ་མར་མར་འབབ་པའི་དུས།
ངའི་ལུས་པོ་དེ་ཡང་དྲོད་ཤོར་སོང་།

ཁ་བ་དེ་མར་མར་འབབ་པའི་དུས།
རང་དྲན་རྒྱུ་དེ་ཡང་མང་དུ་སོང་།
ཁ་བ་དེ་མར་མར་འབབ་པའི་དུས།
སེམས་ཐག་དེ་ཡང་གཅད་ཡ་ཡོད།

འབབ་བཞིན་པའི་ཁ་བ་མཛེས་སོང་།
སར་མ་ཐུག་གོང་ནས་བཞུར་སོང་།
ང་གཉིས་གཉིས་པོའི་ལས་དེ།
ཁ་བ་དེ་ནང་བཞིན་བཞུར་སོང་།

ལྕང་མ་དེ་སྐམ། ལོ་མ་དེ་ཟག
དགའ་ས་དེ་ནོར་། མི་དེ་ནི་ཕྱིན།
རེ་བ་དེ་བཅོལ། ཡིད་ཕམ་དེ་སྐྱེས།
ཕྱིར་མིག་མར་ལ་ལྟ་དུས། དེ་འདྲའི་དགོད་བྲོ།

དགའ་ས་རང་མ་གཏོགས་མེད་ཟེར་གྱིས་ ཨུ་ཡེ།
བརྩེ་ས་རང་མ་གཏོགས་མེད་ཟེར་གྱིས་ ཨུ་ཡེ།
དྲན་རྒྱུ་རང་མ་གཏོགས་མེད་ཟེར་གྱིས་ ཨུ་ཡེ།

བཤད་པའི་སྐད་ཆ་ངས།
ཚང་མར་ཡིད་ཆེས་བྱས།
ང་ལ་ཡང་ནོར་འཁྲུལ་མང་པོ་ཡོད་ངེས་རེད།
ང་ལས་ཡག་པའི་མི་དེ་དོན་ངེས་རེད།

ཁ་བ་མཚན་གང་བབས།
བསམ་བློ་མཚན་གང་བཏང་།
འབྲས་བུ་མེད་པའི་བརྩེ་དུང་།
ཁ་བ་ནང་བཞིན་བཞུར་སོང་།

འབབ་བཞིན་པའི་ཁ་བ་མཛེས་སོང་།
སར་མ་ཐུགས་གོང་ནས་བཞུར་སོང་།
ང་གཉིས་གཉིས་པོའི་ལས་དེ།
ཁ་བ་དེ་ནང་བཞིན་བཞུར་སོང་།