Скачать или смотреть Spring Water Turns Life Line For Dangaria Tribes

ରାୟଗଡ଼ା ଜିଲ୍ଲା କଲ୍ୟାଣସିଂହପୁରର ଡଙ୍ଗରିଆ ଗାଁ ମାନଙ୍କରେ ଉତ୍କଟ ଜଳ ସଂକଟ । ନିୟମଗିରି ପାହାଡ଼ି ଅଞ୍ଚଳରେ ବସବାସ କରନ୍ତି ଏହି ଡଙ୍ଗରିଆମାନେ । ଗ୍ରୀଷ୍ମ ଋତୁରେ ସେମାନେ ପାଣି ଟୋପାଏ ପାଇଁ ଡହଳବିକଳ ହେଉଛନ୍ତି । ଏଭଳି ସ୍ଥିତିରେ ଝରଣା ପାଣି ହିଁ ଏବେ ପାଲଟିଛି ଡଙ୍ଗରିଆଙ୍କ ସାହା ଓ ଭରସା ।
ରାୟଗଡ଼ା ଜିଲ୍ଲା ନିୟମଗିରି ପାହାଡ଼ର ବିଭିନ୍ନ ଗାଁରେ ଜଳାଭାବ । କଲ୍ୟାଣସିଂହପୁର ବ୍ଲକ ପାର୍ସାଲି ପଞ୍ଚାୟତର କୁସୁମୁଇଁ ଗାଁରେ ପାଣି ପାଇଁ ହାହାକାର । ଗାଁରେ ୨୦ଟି ଡଙ୍ଗରିଆ କନ୍ଧ ପରିବାର ବାସ କରନ୍ତି । ଏଠାରେ ସରକାରଙ୍କ ଯୋଜନା ସବୁ ଅପହଞ୍ଚ । ଖରାଦିନ ଆସିଲେ କଥା ସରିଲା । ପାଣି ପାଇଁ ଏଠାରେ ଚାଲେ ଅହରହ ସଂଘର୍ଷ । ନଳକୂଅ ଅଚଳ ହୋଇଯାଇଥିବାରୁ ଗାଁ ଠାରୁ ଗୋଟିଏ କିଲୋମିଟର ଦୂରରେ ଥିବା ଝରଣାରୁ ଲୋକଙ୍କୁ ପାଣି ସଂଗ୍ରହ କରିବାକୁ ପଡିଥାଏ ।
ଏହି ଡଙ୍ଗରିଆମାନେ ନଦୀ, ନାଳର ଦୂଷିତ ପାଣି ପିଇ ବିଭିନ୍ନ ରୋଗରେ ଆକ୍ରାନ୍ତ ହେଉଥିବା ଗ୍ରାମବାସୀ ଅଭିଯୋଗ କରିଛନ୍ତି । ସେପଟେ ନିୟମଗିରି ଅଞ୍ଚଳରେ ପାନୀୟ ଜଳ ସମସ୍ୟାକୁ ସ୍ୱୀକାର କରିଛନ୍ତି ରାଜ୍ୟ ଅନୁସୂଚିତ ଜାତି ଓ ଜନଜାତି କଲ୍ୟାଣ ବିଭାଗ ମନ୍ତ୍ରୀ ଲାଲ ବିହାରୀ ହିମିରିକା । ସେ କହିଛନ୍ତି ଗାଁ ଗୁଡିକୁ ଯିବାପାଇଁ ରାସ୍ତା ନାହିଁ । ତେଣୁ ନଳକୂଅ ଖନନ କରିବା ସମ୍ଭବ ହୋଇପାରୁନି । ରାସ୍ତା ନିର୍ମାଣ ହେବାପରେ ସମସ୍ତ ସମସ୍ୟା ଧିରେ ଧିରେ ସମାଧାନ କରାଯିବ ।
ରାଜ୍ୟ ସରକାର ଡଙ୍ଗରିଆ ଜନଜାତି ଲୋକଙ୍କ ଉନ୍ନୟନ ପାଇଁ ବିଭିନ୍ନ ଯୋଜନା କାର୍ଯ୍ୟକାରୀ କରିଛନ୍ତି । ହେଲେ ଯୋଜନାର ସଫଳ ରୂପାୟନ କିଭଳି ହେଉଛି ତାହା ଏହି ଡଙ୍ଗରିଆ କନ୍ଧଙ୍କ ଜଳକଷ୍ଟରୁ ସ୍ପଷ୍ଟ ଜଣାପଡୁଛି ।