Скачать или смотреть Epi – Əlvida (Rəsmi Audio)

Epi-nin "Əlvida" treki artıq onlayndır.
Epi-yə YouTube-da abunə ol: https://mikpro.az/epiyt

Rəqəmsal platformalarda dinlə: https://bfan.link/epi-f5

Musiqi və söz: Epi
Beat: Clavis
Miks və masterinq: ALİGEE
Səsyazma: Koma Records
Vizualizasiya: @ziyagram

Epi-ni sosial şəbəkələrdə izlə:
Instagram: https://mikpro.az/epiig
Genius: https://mikpro.az/epign

Epi-ni rəqəmsal platformalarda dinlə:
Keçid: https://mikpro.az/epi.dinle

Sözlər:

[Bənd 1]
Söz ağızda bişir, qazana atmırıq ki, bişə
Haram əti çəkib şişə dartmırıq ki dişə
Güzgüdə əksimə baxdım, çatlayıbdır şüşə
Gözəl günlər qabaqdadır, çatmırıq ki, düşək

İçi dolu kin olanlara verməmişəm bir anlam
Yuxumu suya danışdım, suya düşdü planlar
Əvvəl ilan oyununu oynayırdım “Nokia”da
İndi oyun oynayırlar naümid kimi ilanlar

Yaxşı elədiyim işə pis əməllər qarışır
Dağ bildiyim adamlar da təpələrlə yarışır
Mənim danışdırmadığım niyə məndən danışır?
Kişi kimi sözünüz var, gəlib mənlə danışın

Yavaş-yavaş yaşlanırsa ürək, beyin, ciyər
Epidə ağıl biixtiyar gedib, gəzib diyar-diyar
“Hype” tutunca ağlayırdın piar, piar, piar
Ala, tutaq ki, mən uduzmuşam, nə qazandın, xiyar?

Burnumdan gətirdilər ən şirin günümü
Ağac əkən daşıyarmı əncirin yükünü?
Həftəsonu işlədirəm məntiqin gücünü
Bəlkə, həftədən çıxartmaq olar ən birinci günü?

Yəni mən birinci gülün yaxşı toxumların seçim
Əkim ki, tikanlı güllərimə toxunmadan keçin
Su görməyən gülün ömrü tox olmadan keçir
Var olanın qədrin bilin, yox olmadan seçin

Dedilər: “Bizlə ol”,-dedim, yox, olmuram keçi
İnadım var, hər yerə, açığı, soxulmuram keçib
Keçməz, dedim, atdıqları ox onların keçir
Şeytana da o vaxt dərsi qohumların keçib

[Nəqərat]
Əlvida, əlvida
Məndən üz əlini daha
Bir sual, tək nida
Məndən üz əlini daha

Əlvida, əlvida
Məndən üz əlini daha
Bir sual, tək nida
Məndən üz əlini daha

[Bənd 2]
Gecə sadə düşündüyüm yadımda gündüz qalmır
Və mürəkkəb düşüncələrdə ağlımda düz qalmır
Əsl dostlar biri-birinin ağzından söz almır
Yerin qulağı yoxdur, bunların ağzında söz qalmır

Görəsən, canavarlar nələr pusub naxırda?
Əkbər Epi ilə danışıb, kədər susub axırda
Sizlə elədiyim söhbət nə böyükdür, nə xırda
İlana bal içirtmişəm, zəhər qusub axırda

Qollarını gizlətmə, hər atdığın qoldursa
Qollarını gizlədənə böyük yükdür qol qısa
Gəl hər şeyi dərd eləmə, məncə, olan oldusa
Siçan baxıb deyib ki, pendir böyükdür, yol qısa

Heç olmasa, bu dediyim fikirlərə qulaq verin
Qızlara cehiz içində silah, bir də daraq verin
Şəxsən paylayardım, olsa, çoxlu revolverim
Ölməmişdən öncə qorusun hamısı günah yerin

Atalara səslənirəm: aranızı açın qızla
Yaşı balaca qızlar nələr eləyər acığınıza
Fikrimi bu sətirdə, istəyirəm, açıq cızam
Niyə son zamanlarda evlərindən qaçır qızlar?!

İşlərin uğursuz keçir onu uğur saymayanda
İşlərin uğurlu olur şərəf, qürur qalmayanda
Həqiqətlər əvvəl-axır səni boğur anlayanda
Xoruz da elə bilir ki, Günəş doğur banlayanda

[Nəqərat]
Əlvida, əlvida
Məndən üz əlini daha
Bir sual, tək nida
Məndən üz əlini daha

Əlvida, əlvida
Məndən üz əlini daha
Bir sual, tək nida
Məndən üz əlini daha


Epi tərəfindən ifa olunan "Əlvida" parçasının rəsmi audiosu. Bu videonun bütün hüquqları "mikpro" tərəfindən qorunur. © 2026

Etiketlər:

#Epi #Əlvida #mikpro