Скачать или смотреть WANACHAMA WA ACT WAZALENDO MBULU VIJIJI WAANDAMANA KUPINGA UTEUZI WA MBUNGE ALIYETOKEA CCM

Baadhi ya wanachama wa Chama cha ACT-Wazalendo katika Jimbo la Mbulu-Vijijini, Wilaya ya Mbulu, Mkoani Manyara, wamefikisha malalamiko yao katika Ofisi ya Msimamizi wa Uchaguzi wa Jimbo hilo, wakipinga uteuzi wa mgombea ubunge kupitia chama hicho, Flatei Gregory Massay, wakidai kuwa mchakato huo haukufuata taratibu halali za chama.


Wakitoa malalamiko yao mara baada ya kufika katika ofisi ya msimamizi wa uchaguzi wanachama hao wamedai kutoridhishwa na namna jina la mgombea huyo lilivyopitishwa bila kuwashirikisha wanachama wala kufuata utaratibu wa ndani ya chama, huku wakisisitiza demokrasia ya kweli inapaswa kuzingatiwa katika kila hatua ya uchaguzi.


Aidha wananchama hao Wameiomba Tume huru ya Uchaguzi (NEC) na uongozi wa kitaifa wa ACT Wazalendo kuchunguza suala hilo kwa kina na kuhakikisha haki inatendeka ili kuepusha migogoro ya kisiasa ambayo inaweza kudhoofisha chama chao katika uchaguzi mkuu ujao.


Kwa upande wake msimamizi wa uchaguzi katika Jimbo Hilo Joseph Elia amesema Ofisi yake Haina mamlaka ya kutolea maamuzi suala hilo licha ya kupokea nakala za madai ya wanachama wa ACT Wazalendo kuwa mgombea hakufata taratibu za uteuzi wa mgombea, nakuwataka wanachama hao kupeleka malalamiko yao Viongozi wa juu wa Chama chao.


Pia, amekiri kupokea pingamizi jingine kutoka CCM dhidi ya ACT-Wazalendo

#CloudsDigitalUpdates