Скачать или смотреть Sting | Energy Drink | Analogue Paneer | Future Generation | Satyajeet Tambe | Monsoon Session |

#Sting, #एनालॉग_पनीर सारखे अनेक बनावट व भेसळयुक्त पदार्थ जे की महाराष्ट्रातील युवापिढीच्या आरोग्याच्या दृष्टीने घातक आहेत, ते आजही बाजारात राजरोसपणे विकले जातात आणि यावर अन्न व औषध प्रशासन विभागाच्या अधिकाऱ्यांकडून अपेक्षित अशी कोणतीही कारवाई होताना दिसत नाही. आज पुन्हा या विषयाकडे सभागृहाचे लक्ष वेधले.

संबंधित विषयावर याआधी शासन स्तरावर मी खालीलप्रमाणे पाठपुरावा केला होता:-
📌 12 जुलै 2024 रोजी पावसाळी अधिवेशनात आवाज उठवला.
📌23 जानेवारी 2025 रोजी अन्न व औषध विभागाचे मंत्री नरहरी झिरवाळ यांच्या उपस्थितीत बैठक

पण वेळोवेळी पाठपुरावा करूनही यासंबदर्भात काहीही ठोस पाऊलं उचलली गेली नाहीत. सदर अन्न व औषध प्रशासन विभागाकडून अपुरे मनुष्यबळ व अत्याधुनिक लॅबची कमतरता या अडचणी सांगण्यात येत असल्या तरी त्यापेक्षा या अधिकाऱ्यांची काम न करण्याची मानसिकता निषेधार्ह आहे. महाराष्ट्रातील युवापिढीच्या जीवाशी खेळण्याचा हा प्रकार खपवून घेतला जाऊ शकत नाही.

म्हणूनच आज अधिवेशनात बाजारात सहज उपलब्ध होणाऱ्या बनावट व भेसळयुक्त पदार्थांवर कारवाई करणाऱ्या कामचुकार अधिकाऱ्यांवर अंकुश आणण्यासंदर्भात महत्वाचे प्रश्न उपस्थित केले:
1. अधिकाऱ्यांवर वचक आणण्यासाठी त्यांना कारवाईचे टार्गेट देणार का ❓
2. जे अधिकारी टार्गेट पूर्ण करणार नाहीत, त्यांच्यावर कारवाई करणार का ❓

मी उपस्थित केलेल्या प्रश्नांची वस्तुस्थिती मान्य करत त्यांची गांभीर्याने दखल घेतली जाईल, असं आश्वासन अन्न व औषध प्रशासन विभागाचे मंत्री नरहरी झिरवाळ यांनी यावेळी मला दिले. मला आशा आहे की लवकरच आरोग्यासाठी घातक असणारे #Sting, #एनालॉग_पनीर सारखे बनावट व भेसळयुक्त पदार्थांवर ठोस कारवाई होताना संपूर्ण महाराष्ट्र बघेल.