Kòman yo fè Dous Makòs Tigwav (nouvelle version)

#DousMakòs se yon bon desè tout moun nan peyi a renmen. Se nan Vil #Tigwav li sòti. Se yon gwo fyète moun nan zòn, se yon eritaj ki la depi 1932. Pa pase nan zòn nan, san w pa pase achte dous makòs pa w la.
Espesyalite manje ki se kat vizit Tigwav se Dous makòs. Nou pra l aprann tout bagay ki dèyè dous makòs la nan vizit nou pra l fè nan pi gwo atelye dous makòs ki genyen nan Tigwav aktyèlman, ki se Atelye Kay bòs Lavaud.
Tigwav, #PetitGoave an fransè, te nan Kasika Zaragwa,avan Christophe Colomb ak tout akolit li yo ki te sòti an Espay te anvayi Lil Ayiti an 1492p. Se rèn Anacaona ki t ap dirije pati sa. Pati sa nan Kasika zaragwa, te rele Goyava nan tan Tayno yo t ap viv la. Gwav la se yon defòmasyon Gwayava.
Vil Tigwav fonde an 1663 sou tan lakoloni. Se youn nan pi ansyen Vil peyi Dayiti. Li layite sou yon sipèfisi 390,69 kilomèt kare. Li gen 12 seksyon kominal.
Tigwav gen yon popilasyon ki preske rive 160,000 abitan.
Gen anviwon 70 kilomèt ki separe Tigwav de kapital la, Pòtoprens.
Tigwav se yon Vil pezib, pwòp ki tabli bò lanmè. Lanmè Se youn nan pi gwo plezi Tigwav ofri. Li gen 2 bèl plaj ki selèb Epi moun renmen anpil, se Kokoye ak Bananye.

Ti gwav posede plizyè vestij fòtifikasyon ki te la depi tan lakoloni. Gen fò libète ki konstwi depi 1630 ak Fò wayal flibistye fransè yo te konstwi Depi 1612.