Скачать или смотреть രേവതിയെ നോക്കി ശബ്‌ദം കനത്തി പറഞ്ഞ് അവൾ മുന്നോട്ട് നടന്നുവെങ്കിലും..കണ്ണുകൾ നാല് പാടും പരതി നടന്നു

എനിക്ക് മതിയായി മാഡം... എവിടെയാണ് എന്ന് വെച്ചാൽ പറഞ്ഞാൽ മതി... ഞാൻ ഒപ്പിട്ട് തന്നോളാം...""

ആ വലിയ കസേരയിൽ ഇരുന്ന് ആരെയും നോക്കാതെ പറയുമ്പോൾ... നെഞ്ച് എന്ത് കൊണ്ടോ വല്ലാതെ മിടിച്ചിരുന്നു....അടുത്തിരിക്കുന്ന ആള് തന്നെ പകപ്പോടെ നോക്കുന്നുണ്ട്... ആ നോട്ടം കണ്ടില്ല എന്ന് നടിച്ച്... നിലത്തേക്ക് തന്നെ ദൃഷ്ടിയൂന്നിയിരുന്നു...

""അല്ലി എടുത്തു ചാടി എടുക്കേണ്ട തീരുമാനമല്ല ഇത്...പൊട്ടിച്ചെറിഞ്ഞു പോരാൻ എളുപ്പമാണ്... എന്നാൽ കൂട്ടിചേർക്കാനാണ് പാട്...""

മുൻപിൽ ഇരിക്കുന്ന നൽപ്പതിനപ്പുറം വരുന്ന ആ സ്ത്രീ തന്നെ വാത്സല്യത്തോടെ നോക്കുന്നു... അത് കാണെ നിറഞ്ഞു വന്ന കണ്ണുകൾ വാശിയോടെ പിടിച്ചു നിർത്തി അവരെ നോക്കി...

അപ്പോളും തനിക്കപ്പുറം ഇരുന്നയാൾ തന്നെ തന്നെ നോക്കുന്നു.... ആ മുഖത്തെ ഭാവം വായിച്ചെടുക്കാം... പക്ഷെ നോക്കാൻ തോന്നുന്നില്ല ആളെ... എന്തോ അത്രക്ക് മടുത്തു തുടങ്ങിയിരിക്കുന്നു ഈ ജീവിതം...