Скачать или смотреть அழகா முருகா | Azhaga Muruga Arumugane | Murugan Song with Lyrics in Tamil | Vijay Musicals

Song : Azhaga Muruga Arumugane - Lyrical Video
Singer : Prabhakar
Lyrics : Ravirangasamee
Music : Jaicha
Video Powered : Kathiravan Krishnan
Production : Vijay Musicals
#murugansong#tamildevotionalsong#vijaymusicals

பாடல் : அழகா முருகா அறுமுகனே - பாடல்வரிகள்
குரலிசை : பிரபாகர்
கவியாக்கம் : ரவிரங்கசாமி
இசை : ஜெயிசா
காட்சிப்பதிவு : கதிரவன் கிருஷ்ணன்
தயாரிப்பு : விஜய் மியூசிக்கல்ஸ்

பாடல்வரிகள் :
அழகா முருகா ஆறுமுகனே
குமரா குகனே சரவணனே
கந்தா கடம்பா கதிர்வேலா
கார்த்திகேயா சிவபாலா
தண்டாயுதபாணி பழனிமலையில்
தகப்பன் ஸ்வாமி சுவாமிமலையில்
தேவர் தளபதி திருச்செந்தூரில்
தெய்வானையுடன் பரங்குன்றில்
கோபம் தணிந்து திருத்தணியில்
வள்ளி தெய்வானை சமேதரர்
வாழ்வது பழமுதிர் சோலையில்
சிற்பி ஒருவர் சிக்கல் தளத்தில்
சிங்காரவேலன் சிற்பம் செய்தார்
சிங்காரவேலா சிங்காரவேலா
சிலையின் அழகில் வியந்து போய்
சிற்பியை மன்னன் அழைத்தார்
இனி சிலை வடிக்கக் கூடாதென
கட்டை விரலை துண்டித்தார்
கட்டை விரலை இழந்த சிற்பியும்
எட்டுக்குடியை வந்தடைந்தே
கட்டை விரலின்றி சிற்பம் வடித்தார்
சிற்பம் செத்துக்கிட செத்துக்கிட
கட்டை விரலும் வளர்ந்ததே
சிற்பச் சிலை மயில் பறந்திட
தொகை விரித்து எழுந்ததே
மயிலின் காலை சிற்பி உளியால்
சேதப்படுத்தி நிற்கச் செய்தார்
பேரழகு மயில் பேரொளி வீசியது
சிற்பி கண்பார்வை இழந்தார்
எக்கன் நோக்கி சென்றாரே
கண் பார்வை இல்லாமலே
சிங்காரவேலனை வடித்தார்
சிங்காரவேலன் சிற்பம் செய்ததும்
சிற்பி கண் பார்வை பெற்று மகிழ்ந்தார்
பார்வை கோளாறு உள்ளவர்கள்
பரிகாரங்கள் செய்வார்கள்
கண் சம்மந்தப்பட்ட வியாதிகள்
கண் காணாமல் போய் விடும்
அருணகிரி எனும் காமலோலன்
தற்கொலை செய்து உயிர் துறந்திட
ராஜ கோபுரம் மீது ஏறினான்
தொப்பென்று கீழே வீழ்ந்தான்
முருகன் தாங்கிப் பிடித்தார்
அருணகிரி நாவில் ஓமென்று
முருகன் வேலால் எழுதினார்
அருணகிரியார் சந்தத்தமிழிலே
முருகன் புகழைப் பாடினாரே
முருகனின் தீவிர பக்தரானாரே
முருகன் ஆலயம் தோறுமே
அருணகிரிநாதர் சென்றாரே
ஆங்காங்கே முருகனை
திருப்புகழால் பாடினார்
தொண்டை நாட்டின் குன்றத்தூரிலே
மீண்டும் மீண்டும் வேண்டினாலும்
வேண்ட வேண்ட அருள்கிறாரே
செல்வமளிக் குன்றத்தூரிலே
பசுமை நிறைந்த குன்றினிலே
வள்ளி தெய்வானை சுப்பிரமணியர்
சொல்லி மாளாத அருளுடன்
மயிலப்ப சாமி மனசு வெச்சாலே
மாதம் மும்முறை மழை பெய்யுமே
மண்ணும் பொன்னாக விளைந்திடுமே
குன்றாண்டார் கோவிலிலே
குன்றுதோறாடல் குமரனே
தவப் பயனால் தவசுமலை
கனவுப் பயனால் குமரமலை
விராலிமலையில் எதிரொலிக்குதே
மயிலினங்களின் அகவல் ஒலியே
கோடி மயில்கள் ஜாடை சொல்லுதே
வேலும் மயிலும் துணையே
வினைப்போக்கும் விபூதியே
நாகம் தோஷம் போக்குமே
சேவல் நீள் துயில் எழுப்புமே
படைவீடு கொண்ட முருகப் பெருமான்
கோட்டங்களும் கொண்டு உள்ளாரே
அந்தக் கோட்டம் குமரக்கோட்டம்
ஆறுமுகனுக்கு அரோகரா
வேலாயுதனுக்கு வேல் வேல்
போற்றி போற்றி போற்றியென
பாடப் பாட பரவசமே
செட்டிநாட்டு குன்றக்குடியிலே
மடம் அமைத்து தமிழ் வளருது
முருகன் புகழும் எங்கும் பரவுது
மயில் வடிவான குன்றிலே
முருகன் ஆலயம் கொண்டுள்ளார்
மயில்வாகனன் அருளாலே
மகிழ்ச்சி பொங்கும் வாழ்விலே
குன்று என்றாலே குமரன் தானே
குமரன் என்றால் குன்றம் தானே
குன்றகுமரன் குமரக்குன்றம்
குமர குன்றத்தில் கிரிவலமே
பக்தருக்கெல்லாம் பெருமிதமே
திருக்கல்யாண உற்சவமே
உற்சவ மூர்த்தி உலா வரும்
ஆதனக்கோட்டை வேப்பம்பட்டி
வைத்தீஸ்வரன் கோவில் என்றே
குமரனில்லாத ஊரே இல்லை
நடு பழனியாம் மயிலத்தில்
நடுநாயகமாய் திகழ்வார்
கழுகுமலையின் கந்தனே
தொழுகின்றோம் உன்னையே
மயில் தொகையிலே கூடை தருவார்
கைவேலாலே வழி காட்டுவார்
வல்லக்கோட்டை ஸ்ரீ முருகன் துணை
ஐவகையான நிலங்களில்
குறிஞ்சித் திணை தலைவன்
ஆறு வகையான சமயங்களில்
கெளமாரத்தின் தலைவன்
பக்தியில் உலகம் செழித்திடவே
முக்தி நிலைகள் அடைந்திடவே
படைவீடுகள் அமைத்தாரே
ஆறுமுகத்தை நினைத்தால்
ஏறுமுகமே வாழ்வில்
படைவீடுகள் சென்றாலே
வரும் பதினாறு பேறுமே
அறுபத்தாறு கோடி தீர்த்தங்களும்
சரவணனுக்குள்ளே அடக்கமாகும்
பொய்கைக்கு மிஞ்சிய தீர்த்தமில்லை
சரவணன் இருக்கும் இடமெல்லாம்
சரவண பொய்கை இருக்குமே
சமுத்திரங்கள் வறண்டாலும்
சரவணப் பொய்கை வற்றாது
பக்தர்களெல்லாம் ஒன்று கூடியே
ஆறுமுகனை தரிசித்திடவே
பாதயாத்திரை வருவார்களே
வழிநெடுகப் புகழ் பாடினால்
கால்நடை அசதி தீருமே
வழித் துணையாய் முருகனே
ஆங்காங்கே வருவானே
பக்தர்களெல்லாம் ஒன்று கூடியே
பால்குடங்கள் எடுத்து வந்தே
பாலாபிஷேகம் செய்திடுவார்
முடிகாணிக்கை செலுத்துவார்
படிகளில் சூடம் ஏற்றுவார்
அன்னத்தை தானம் கொடுப்பார்
ஆலய சேவை செய்வார்
இடும்பாசுரன் தோள்களிலே
இருக்குன்றுகளைத் தூக்கி வந்தான்
முதற் காவடியை சுமந்து வந்தான்
வித விதமான காவடிகள்
வேலனுக்கென்றே ஆனதே
காவடிகளை தூக்கியே
காவடிச் சிந்து பாடுகிறார்
கிழமைகளிலே செவ்வாய் வெள்ளி
கார்த்திகை நட்சத்திரம் சஷ்டியில்
விரதமிருந்தால் அருளிடுவானே
சித்திரை மாத பெளர்ணமி
வைகாசி மாத விசாகம்
ஐப்பசி சூரசம்ஹாரம்
விமரிசையாய் நடக்குமே
கார்த்திகையில் பரணி தீபமும்
கார்த்திகை நட்சத்திர தீபமும்
முருகன் கோவிலில் ஜொலித்திடுமே
தை மாதப் பூசத் திருநாளில்
தங்க ரதம் உலா வருமே
பங்குனி உத்திரத் தேரோட்டம்
வடம் பிடிக்கும் பக்தர் கூட்டம்
வஞ்சனைகளும் பில்லி சூனியமும்
பேய் பிசாசும் பூத முனியும்
முருக பக்தரை என்றும் அண்டாதே
சூதும் வாதும் விஷக் கடியும்
பொறாமைகளும் ஓடிடுமே
சங்கடமெல்லாம் போயிடுமே
சந்தோசமெல்லாம் வந்திடுமே
ஓரிரு பாதத்தில் பணிந்தாலே
ஓராறு முகத்தால் பார்த்திடுவான்
ஈராறு கரத்தால் அணைத்திடுவான்
ஆனை முகனின் தம்பியாம்
ஹரிஹரசுதன் அண்ணனாம்
கவர்ந்திழுக்குமே கந்த சக்தி
கருணை புரியும் கந்த பக்தி
ஆறெழுத்திலே ஆன மந்திரம்
முருக பக்தரின் துணை மந்திரம்
சரவண பவ ஓம் சரவண பவ
காவி உடை கழுத்தில் மாலை
சந்தன மேனி சரண கோஷம்
குழந்தை பாக்கியம் வேண்டிட
குழந்தையாகப் பிறப்பான்
மேனியிலேயும் நெற்றியிலேயும்
முருகன் விபூதி பூசினாலே
போகா வியாதி போய்விடுமே
ஏழு கோடி மந்திரங்களும்
சடாக்ஷரத்துள் அடக்கமே