Скачать или смотреть Yaqin Sharq alangada: tankerlar urildi, Hizbulloh raketalar uchirdi

#Yangiliklar
Bugungi Yangiliklar 2026
RTV UZ:
Eron Islom inqilobi qo‘riqchilari korpusi (IRGC) rasmiy bayonotiga ko‘ra, Xo‘rmuz bo‘g‘ozi va Fors ko‘rfazi hududida ogohlantirishlarga bo‘ysunmagan 3 ta neft tankeriga raketa zarbasi berilgan. Kemalarda yong‘in chiqqani va ular harakatdan to‘xtatilgani aytilmoqda.
Hozircha AQSh va Buyuk Britaniya ushbu hodisani mustaqil ravishda tasdiqlamadi.
Shu bilan birga, Bahraynda shia musulmonlari ishtirokidagi norozilik namoyishlari davom etmoqda. Xavfsizlik kuchlari ruxsatsiz o‘tkazilgan protestlarni tarqatish uchun maxsus vositalardan foydalangan. Huquq himoyachilariga ko‘ra, so‘nggi yillarda bu noroziliklar siyosiy va ijtimoiy tenglik talablariga bog‘liq holda kuchayib bormoqda.
Mintaqadagi harbiy keskinlik fonida jahon neft bozorida xavotirlar ortdi. Xo‘rmuz bo‘g‘ozi orqali yuk tashish to‘xtashi mumkinligi sababli Brent neft narxi taxminan 13 foizga oshib, 82 dollar atrofida shakllandi. Investorlar esa xavfsiz aktivlarga, jumladan oltin bozoriga yo‘nala boshladi.
Shuningdek, Hizbullah Livan hududidan Isroil shimoli tomon bir nechta raketa uchirganini tasdiqladi. Bu 2024 yil noyabr oyidagi sulhdan beri ilk to‘g‘ridan-to‘g‘ri hujum sifatida baholanmoqda.
Isroil mudofaa kuchlari raketalarning bir qismini havo mudofaa tizimlari orqali yo‘q qilganini, qolganlari esa ochiq hududlarga tushganini ma’lum qildi. Javoban Isroil aviatsiyasi Livandagi “Hizbullah” ob’ektlariga zarba bergani xabar qilinmoqda.
Mintaqadagi vaziyat keskinligicha qolmoqda.

#RTVuz #Eron #IRGC #XormuzBog‘ozi #ForsKorfazi #NeftBozori #Brent #Bahrayn #Noroziliklar #Hizbullah #Livan #Isroil #RaketaHujumi #YaqinSharq #Geosiyosat #So‘nggiYangiliklar #BreakingNews #WorldNews