Аваз Акимов & Айдана Дека - Дил кайрык / Жаңы клип 2024

Аваз Акимов & Айдана Дека - Дил кайрык

Follow Аваз Акимов:
  / avazakimov_officiall  

Follow Айдана Дека:
  / aidana_deka_official  

Сөзү: Н. Жакыповдуку
Обону: А.Карымовдуку

Сага арнап жакшы ыр жазгым келип жүрөт,
Санаага, сагынычка батып жүрөк.
Жүзүмдөй мөлтүрөгөн жароокерим,
Жүзөгө ашаар бекен аруу тилек!?

Толкуса көңүлүңүз мени самап,
Тор жайган балыкчыдай колду карап.
Токтоосуз чалынсам дейм торунузга,
Мен болуп сиз эңсеген алтын чабак.

Өмүрдүн өтчү кези өткөн кезде,
Өткүрлүк өз айлымдан көчкөн кезде.
Озокко чок таштадын, өчпөй турган,
Өрүкзар гүлүн кубуп төккөн кезде.

Армандын ачуу даамын ким татпаган,
Ашыктык алоосуна ким батпаган.
Айыкпас оору болду таппай жүрүп,
Сиз берген жылуулукту мен башкадан.

Арбалып ай жүзүңө алда качан,
Айрылбай элесинден турсам бассам.
Тушалган туткун болдум бир өзүңө,
Ай перим чыгарып ал боор оорусан.

Жоодурай карап коюп бирибизге,
Жол таппай жүрүптүрбүз дилибизде.
Ак суйуу нурун чачты мына бүгүн,
Жашыбыз тоскоол болбойт эми бизге.

#АвазАкимов #АйданаДека #Дил кайрык #Жаңыклип