Suriyada azərbaycanlı terrorçu saxlanılıb - BAKU TV (20.05.2022)

Please watch: "Огорожено Каспийское Море - Баку ТВ"
   • Xəzər dənizi hasarlandı - BAKU TV   -~-
Suriyada azərbaycanlı terrorçu saxlanılıb - BAKU TV (20.05.2022)

Aktual xəbərlərimiz
   • QARABAĞ XRONİKASI  
   • Плейлист  
   • Плейлист  

Dövlət Təhlükəsizliyi Xidməti xaricdə qanunsuz silahlı birləşmələrdə fəaliyyət göstərmiş şəxsi həbs edib.
Bildirilib ki, 45 şaylı Akif Aydın oğlu Osmanov silahlı terror təşkilatının Türkiyədə fəaliyyət göstərən birliklərinə üzv olub və bu ölkədə saxta pasportla, Özbəkistan vətəndaşı İlyorjon İsanov kimi saxlanılıb. Lakin təqsiri sübuta yetirilmədiyi üçün azad edilib. Amma Dövlət Təhlükəsizliyi Xidməti Azərbaycan vətəndaşı Akif Osmanovu dini düşmənçilik zəminində ölkə hüdudlarından kənarda terror aktlarının törədildiyi silahlı münaqişələrdə iştirakına əsaslı şübhələr müəyyən olunduğu üçün saxlayıb.
Başlanan cinayət işi üzrə aparılan araşdırmalar nəticəsində Akif Osmanovun Suriyanın Atma şəhərində xüsusi hazırlıq düşərgəsində təlimlər keçdiyi məlum olub. O, odlu silah və partlayıcı maddələrdən istifadə qaydalarını mənimsəməklə dini radikalizm və düşmənçilik zəminində “Azəri Camaatı” adlı qanunsuz silahlı qruplaşmaya qoşulub. Qrup üzvləri ilə birlikdə “Şeyx Süleyman” qəsəbəsi uğrunda gedən döyüşlərə qatılaraq qəlpə yarası alıb. Terror təşkilatı tərəfindən digər ölkələrin ərazisində sərbəst hərəkət edib cinayət məsuliyyətindən yayına bilməsi məqsədilə Özbəkistan vətəndaşının adına saxta pasportla təmin olunub və həmin sənədlə müxtəlif ölkələrdə olmasına dair mötəbər dəlillər əldə edilib.
Akif Osmanov Cinayət Məcəlləsinin 12.1 və 279.1-ci, yəni qanunvericiliklə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz etmə maddələri ilə cinayət məsuliyyətinə cəlb olunub. Barəsində məhkəmənin qərarı ilə həbs qətimkan tədbiri seçilib. Hazırda cinayət işi üzrə araşdırmalar davam etdirilir.

Sosial şəbəkələrimiz
  / www.baku.tv  
  / bakutvofficial  
  / bakutvofficial  
https://t.me/bakutvxeber
https://www.baku.tv


©2021 - 2022 © All Rights Reserved ℗ Baku TV




Suriyada azərbaycanlı terrorçu saxlanılıb





#bakutv #DTX #Suriya #AzerbaycanliTerrorcu #xeberler #news #bakutvxeber #bakutv #bakutvnews #xəbərlər