Chhagan Bhujbal - Suhas Kannde viral video: छगन भुजबळ - सुहास कांदे यांच्यात कशावरून पेटला वाद?

राज्यात सत्तेत असलेल्या सरकारमध्ये शिवसेना, राष्ट्रवादी काँग्रेस आणि काँग्रेस यांची आघाडी आहे. मात्र सत्तेत एकत्र असलेल्या या पक्षांमध्ये सर्वकाही आलबेल नसल्याचं एका ताज्या घटनेवरून समोर आलं आहे.

अन्न आणि नागरी पुरवठा मंत्री आणि राष्ट्रवादीचे नेते छगन भुजबळ आणि शिवसेनेचे आमदार यांच्यात अतिवृष्टीसंदर्भातील आढावा बैठकीत सर्वांसमोरच खडाजंगी उडाली. या घटनेचा व्हीडिओ चांगलाच व्हायरल झाला आहे. नाशिकचं पालकमंत्री पद असलेल्या छगन भुजबळ यांनी नांदगाव भागात अतिवृष्टीमुळं झालेल्या नुकसानीची पाहणी केली. त्यानंतर तहसील कार्यालयात झालेल्या आढावा बैठकीत हा प्रकार घडला. नुकसानग्रस्त शेतकऱ्यांना तातडीनं मदत देण्याच्या मुद्द्यावरून दोघांमध्ये वादाला सुरुवात झाली होती. पण हा वाद वाढत गेला आणि दोघांनी यावेळी एकमेकांना सुनावल्याचं पाहायला मिळालं.

#ChhaganBhujbal #SuhasKande #Nandgaon #Rain

___________
अधिक माहितीसाठी आमच्या वेबसाईट आणि सोशल हॅंडल्सला नक्की भेट द्या :
https://www.bbc.com/marathi
  / bbcnewsmarathi  
  / bbcnewsmarathi