Скачать или смотреть ವಯೋವೃದ್ಧರು, ದಿವ್ಯಾಂಗರಿಗೆ ಮನೆಯಿಂದಲೇ ಮತದಾನ ವ್ಯವಸ್ಥೆ

W ರಾಜ್ಯದಲ್ಲಿ ಘೋಷಣೆಯಾಗಿರುವ ಸಾರ್ವತ್ರಿಕ ವಿಧಾನಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಶೇಕಡವಾರು ಮತದಾನದ ಪ್ರಮಾಣವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಕೇಂದ್ರ ಚುನಾವಣಾ ಆಯೋಗ ದೇಶದಲ್ಲೇ ಮೊದಲ ಬಾರಿಗೆ 80 ವರ್ಷ ದಾಟಿದ ವಯೋವೃದ್ಧರು ಹಾಗೂ ದಿವ್ಯಾಂಗರಿಗೆ ಮನೆಯಿಂದಲೇ ಮತದಾನ ಮಾಡುವ ವ್ಯವಸ್ಥೆಯನ್ನು ಕಲ್ಪಿಸಿದೆ.
ಈ ವಿನೂತನ ವ್ಯವಸ್ಥೆ ನಮ್ಮ ಕರ್‍ನಾಟಕದ ವಿಧಾನಸಭಾ ಚುನಾವಣೆಯಿಂದ ಜಾರಿಗೆ ಬರಲಿದ್ದು, ಚುನಾವಣಾ ಆಯೋಗದ ಈ ನಿರ್ಧಾರದಿಂದ ಸಮಾಜದ ಎಲ್ಲಾ ಸ್ತರದ ಜನರೂ ಮತದಾನದಲ್ಲಿ ಭಾಗವಹಿಸಲು ಸಹಕಾರಿಯಾಗಲಿದೆ. ಉಡುಪಿಯ ಹಿರಿಯ ನಾಗರಿಕರು ಹಾಗೂ ದಿವ್ಯಾಂಗರು ಆಯೋಗದ ಈ ಹೊಸ ವ್ಯವಸ್ಥೆಯನ್ನು ಸಂತೋಷದಿಂದ ಸ್ವಾಗತಿಸಿದ್ದಾರೆ.
(HOLD)
ಡಿಡಿ ನ್ಯೂಸ್ ನೊಂದಿಗೆ ಉಪ್ಪುಂದ ನಿವಾಸಿ ಸುಂದರಿ ನಾಯಕ್, 80 ವರ್ಷದ ದಾಟಿದ ವಯೋವೃದ್ಧರಿಗೆ ಮನೆಯಿಂದಲೇ ಮತ ಚಲಾಯಿಸುವ ಅವಕಾಶ ನೀಡಿದ್ದು ಒಳ್ಳೆಯ ನಿರ್ಧಾರ. ಇದರಿಂದ ವಯಸ್ಸಾದವರು ಮತದಾನದ ಹಕ್ಕಿನಿಂದ ವಂಚಿತರಾಗುವುದಿಲ್ಲ. ಈ ಹಿಂದೆ ಮತದಾನದ ಕೇಂದ್ರಕ್ಕೆ ತೆರಳಲು ಮತ್ತೊಬ್ಬರ ಸಹಾಯ ಪಡೆಯಬೇಕಿತ್ತು. ಈಗ ನಾವು ಮನೆಯಿಂದಲೇ ಮತದಾನ ಮಾಡುವೆವು ಎಂದರು.
(HOLD)
ಮರವಂತೆ ನಿವಾಸಿ ಜನಾರ್ಧನ್ ಮರವಂತೆ, ವೃದ್ಧರು ಹಾಗೂ ದಿವ್ಯಾಂಗರು ಮತ್ತೊಬ್ಬರ ಸಹಾಯವಿಲ್ಲದೇ ಮತದಾನ ಕೇಂದ್ರಕ್ಕೆ ಹೋಗುವುದು ಕಷ್ಟವೆಂದು ತಮ್ಮ ಮತವನ್ನೇ ಚಲಾಯಿಸುತ್ತಿರಲಿಲ್ಲ. ಆದರೆ ಈಗ ಕೇಂದ್ರ ಚುನಾವಣಾ ಆಯೋಗದ ಹೊಸ ವ್ಯವಸ್ಥೆಯಿಂದ ಹಿರಿಯ ನಾಗರಿಕರು ಹಾಗೂ ದಿವ್ಯಾಂಗರು ಮನೆಯಿಂದಲೇ ಮತದಾನ ಮಾಡಬಹುದು ಎಂದು ಹೇಳಿದರು.
(HOLD)
ದಿವ್ಯಾಂಗರಾದ ಮರವಂತೆ ನಿವಾಸಿ ಛಾಯಾದೇವಿ, ದಿವ್ಯಾಂಗಳಾಗಿರುವ ಕಾರಣ ಮತದಾನ ಕೇಂದ್ರಕ್ಕೆ ಹೋಗುವುದು ಕಷ್ಟವಾಗುತ್ತಿತ್ತು. ಆದರೆ ಆಯೋಗದ ನಿರ್ಧಾರದಿಂದ ನಮ್ಮಂತವರಿಗೆ ಸಹಾಯವಾಗಿದೆ ಎಂದು ಸಂತಸ ಹಂಚಿಕೊಂಡರು.
(HOLD)
82 ವರ್ಷದ ಉಪ್ಪುಂದ ನಿವಾಸಿ ಯು.ವಿ.ಐತಾಳ್, ಚುನಾವಣಾ ಆಯೋಗದ ಈ ಹೊಸ ವ್ಯವಸ್ಥೆ ನಿಜಕ್ಕೂ ಶ್ಲಾಘನೀಯ. 80 ವರ್ಷ ಮೇಲ್ಪಟ್ಟ ಎಲ್ಲಾ ವಯೋವೃದ್ಧರು ಹಾಗೂ ದಿವ್ಯಾಂಗರು ಈ ಅವಕಾಶವನ್ನು ಬಳಸಿಕೊಳ್ಳಬೇಕು. ಆ ಮೂಲಕ ಅಮೂಲ್ಯವಾದ ನಮ್ಮ ಮತದಾನದ ಹಕ್ಕನ್ನು ಚಲಾಯಿಸಬೇಕು ಎಂದರು.
(HOLD)