Скачать или смотреть विना नांगरणी/SRT शेतीचा रिझल्ट आला समोर | दीपक जोशींची तुरी Live | Vina Nangarni | Sheti SRT Farming

छत्रपती संभाजीनगर जिल्ह्यातील पैठण तालुक्यातील देवगाव हे एक छोटेसे गाव. मात्र या गावातील शेतकरी शेतीचे वेगवेगळे प्रयोग करत असतात. कोणी रेशीम शेती करतो, कुणी फळबाग, तर कुणी शेतीपूरक व्यवसायात झोकून देऊन प्रगतीकडे वाटचाल करत आहे. याच गावातील प्रगतिशील शेतकरी दीपक जोशी हे तब्बल 40 वर्षांपासून त्यांच्या शेतीमध्ये स्वतः वेगवेगळे उपक्रम राबवत आहेत. इतर शेतकऱ्यांनाही ते वेळोवेळी मार्गदर्शन करत आहेत. सध्या कोरडवाहू शेतकऱ्यांना शेती करणे खूप जिकरीचे होत आहे. कारण मजुरीचा खर्च आहे. खत-बियाणे, रासायनिक फवारणी आणि मार्केटमध्ये नसलेला हमीचा बाजार भाव यामुळे शेतकऱ्यांचे खर्च आणि उत्पन्नाचे गणित जुळत नाही.

दीपक जोशी यांनी काही वर्षांपूर्वी प्रताप काका चिपळूणकर यांचे विना नांगरणी शेती तंत्र आणि चंद्रशेखर भडसावळे यांचे एसआरटी तंत्र वापरून पाहिले. या पद्धतीमध्ये शेतीतला खर्च कमी होतो. बहुतांश शेतकरी हे शेतामध्ये काडी-कचराही ठेवत नाहीत. गवत किंवा इतर तण शेतातून नाहीसे करतात. मात्र, यामुळे शेतीला नुकसानाच होते हे दीपक जोशी यांनी सिद्ध करून दाखवले आहे.

श्री. जोशी गेल्या सात वर्षांपासून विना नांगरणी शेती करतात. आता त्यांनी तुरीची लागवड केलेली आहे. या तुरीचे उत्पन्न कसे मिळणार, खर्च किती झाला याविषयी या व्हिडिओत सविस्तर चर्चा करणार आहोत. इतरही शेतकऱ्यांना विना नांगरणी किंवा एसआरटी तंत्राने शेती करायची असेल तर काय करावे याचीही माहिती देण्याचा प्रयत्न या व्हिडिओमध्ये केलेला आहे.

#vinanangarnisheti
#srtfarming
#pratapchiplunkar
#chandrashekharbhadsawale
#deepakjoshi
#shivarnews