Turtle, a gifted flutist, is trapped by a greedy man. How will she escape now?
Akyekyedeε ne n’atεntεbεn
Brazilfoɔ anansesεm
Ɛyε Akyekyedeε
na ɔbɔɔ n’atεntεbεn no
wɔ nsuo no ano.
Na Akyekyedeε
bɔ n’atεntεbεn no a,
agyata, εsono, nfafrantɔ,
awɔ, ne nkwakuo sa.
Da koro bi,
papa bi tee sε
Akyekyedeε rebɔ atεntεbεn no.
Ɛnna papa no kaa ne tirim sε:
Ai, wei deε,
Akyekyedeε na ɔreto saa dwom no.
Me koraa me kɔn dɔ Akyekyedeε.
Na papa no teaa mu sε:
Akyekyedeε!
Ma menhunu
w’atentεbεn fεfεεfε no.
Na Akyekyedeε kɔgyinaa
pono no ano,
na ɔyii n’atentebεn no kyerεε papa no.
Prεko pε, papa no yeree
akyekyedeε no kɔn,
na ɔde mmirika kɔɔ fie.
Na Akyekyedeε pεε sε
osu frε obi,
nanso na ɔntumi nkasa.
Na ɔkataa n’ani,
na ɔsɔɔ n’atεntεbεn no dendeenden;
na n’ani da so sε
nneεma bεsi no yie.
Na papa no duruu ne sese no no,
ɔde Akyekyedeε
too ebuo mu.
Ɛnna papa no danee ne ho
kyerεε ne mma no sε:
Hwε na moanyi Akyekyedeε
amfiri ebuo no mu.
Ɛnna papa no kɔɔ wiram.
Ankyε na nkwadaa no
kɔɔ abɔnten kɔdii agorɔ.
Na Akyekyedeε redwene
nsεm a papa no kaeε no.
Afei, ɔbɔɔ n’atεntεbεn no;
Ankyε na nkwadaa no baa ne nkyεn.
Na nkwadaa no bisaa no sε:
Akyekyedeε,
wo na worebɔ atεntεbεn no?
Na Akyekyedeε gyee so sε: Aane.
Na Akyekyedeε hunuu sε
εdwom no sɔɔ nkwadaa no ani,
nti ɔguu so bɔɔ atεntεbεn no.
Na ɔgyaee atεntεbεn no bɔ.
Na ɔkaa sε: M’asa yε sene me dwomto.
Wopε sε wohunu?
Na ɔbarima no kaa sε:
O, mepa wo kyεw!
Na Akyekyedeε kaa sε:
Mεkyerε wo sεnea yεsa,
εberε a yεrebɔ atεntεbεn no.
Nanso,
εwɔsε wobue ebuo no.
Me ho kyere me.
Na ɔbarima no buee ebuo no no,
Akyekyedeε bɔɔ atεntεbεn no saeε.
Na nkwadaa no
bɔɔ ɔmo nsam sereeε,
εfiri sε ɔmo nhunuu biribiara a
εyε anika saa ara.
Na Akyekyedeε gyaee
dwomto ne asa no.
Ɛnna nkwadaa no teaa mu sε: Nnyae!
Na Akyekyedeε kaa sε: O,
mentumi ntu me nan.
Sε anka metumi nantenante a,
anka me nan bεtɔ me.
Na ɔbaa no ka kyerεε Akyekyedeε sε:
Hwε na woankɔ nohoa.
Kɔbra sesia.
Na Akyekyedeε buaa no sε:
O, εnyε hwee.
Wo deε, gyina ha na twεn me.
Na Akyekyedeε kɔgyinaa
kwaeε no nkyεn.
Na ɔhwεε ha ne ha,
na ɔhunuu sε obiara nni hɔ no,
ɔde mmirika kɔɔ fie.
Ɛfiri saa da no,
obiara nhunuu Akyekyedeε.
Nanso, bεsi nnε,
sε woyε aso a,
wotumi te
atεntεbεn nyegyeε bi a
εfiri kwaeε no mu.
Author: Amit Garg
Illustrations: Emanuele Scanziani
Music: Holger Jetter
Translator & Narrator: Elrod Owusu-Asumeng
Animation: BookBox
FREE Apps for iPads & iPhones: http://www.bookbox.com/ios
FREE Apps for Android phones & tablets: http://www.bookbox.com/android
Many more stories, languages & multiple subtitle options: http://www.bookbox.com
#BookBox #BookBoxAsanteTwi #Learn2Read
Информация по комментариям в разработке