兩代聲夢學員台慶合體演出 炎明熹打入我最喜愛女歌手十強

兩代聲夢學員台慶合體演出 炎明熹打入我最喜愛女歌手十強

兩代聲夢學員包括 炎明熹 鍾柔美 詹天文 潘靜文 任暟晴 趙紫諾 等聯同重量級前輩 陳慧嫻 ，呢日喺電視城為台慶大型歌舞進行綵排，音樂將大家距離拉近，個個都活力十足起舞。Yumi 好開心可以同兩代聲夢學員合唱，Gigi就話演出時會加入舞步同進行無樂器伴奏，叫大家拭目以待佢哋嘅表演。

學業工作兩兼顧嘅Gigi今年喺樂壇成績優秀，最近更晉身一個電台頒獎禮嘅我最喜愛女歌手十強，Gigi知道各位fans 好努力投佢票同拉票，藉此多謝大家對佢嘅厚愛，仲承諾大家會加油。見到Gigi、Yumi 同Windy呢個組合獨欠姚焯菲，Yumi就率先預告12月After Class將會合體出席活動同粉絲們見面。

唱歌絕對難唔到一班聲夢學員，不過論跳舞佢哋就要花多啲心機，好彩節奏輕快嘅舞步令佢哋應付自如。而Sherman同彭家賢兩位新世代有幸加入做台慶司儀，Sherman 話呢段時間一直好好養生，因為好驚自己會仆倒不能穿高踭鞋上台。Zayden 就終於體會到做司儀嘅困難，要臨場執生對佢嚟講係最大考驗。

#萬千星輝賀台慶 #聲夢 #綵排 #陳慧嫻 #炎明熹 #鍾柔美 #詹天文 #潘靜文 #任暟晴 #趙紫諾 #AfterClass #合體
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0