Скачать или смотреть Zhani Sulioti - Lulja e Saksisë (MIK Festival 2025 by Inva Mula)

Lulja e Saksisë
Muzika : Ilia Vinjau
Teksti: Shaban Stërmasi
Orkestroi : Pirro Viso


** Retro Passion u krijua nga Inva Mula dhe Aleksandër Ikonomidhi Sulioti si nata përmbyllëse e edicionit të 8-të të MIK Festivalit. Koncerti i kushtohet tri grave korçare – Roberta Panariti, Jorgjeta Lalazi dhe Zhani Sulioti – të cilat, ndonëse i kënduan gjatë gjithë jetës Korçës dhe Shqipërisë, për arsye të veçanta nuk patën mundësinë të preknin skenën e madhe.
Për arsye simbolike, koncerti u mbajt te Kupola e Lulishtes së Themistokli Gërmenjit në Korçë, vendi ku dikur Thoma Nasi dhe Banda “Liria”, Kori Karakteristik “Lira” dhe serenatistët korçarë i kanë kënduar dashurisë.

**Zhani Sulioti, vajza e këngëtarit korçar Piro Sulioti (Artist i Merituar) dhe motra e ish-solistit të parë të TKOBAP, tenorit Gjergj Sulioti, është e diplomuar pranë ish-Institutit të Lartë të Arteve në vitin 1978 dhe ka shërbyer për vite me radhë si profesore muzike në qytetin e Korçës.
Në këtë koncert, ajo përzgjodhi të risjellë perlat e serenatave korçare, të interpretuara ndër vite nga Piro Sulioti, Ilia Vinjau e të tjerë, si edhe këngët-hite të “Qytetit të Studentit”, krijuar nga Zhuliana Jorganxhi dhe të interpretuara fillimisht nga vetë Zhani Sulioti.

Shoqërojnë
Fizarmonikë : Pirro Viso
Kitara : Ilia Doko & Nardi Melesini
Violinë : Johan Hoxha
Mandolinë : Kosta Zdruli
Vokal : Zhani Sulioti