Скачать или смотреть Bible Vachan 02-03-2026

यशया भविष्यवादयाकडून यहोवा देवाचा सेवक येशू ख्रिस्ताविषयी भविष्य सांगतो
यशया ४२:१-९

पाहा, माझा सेवक, येशू ख्रिस्त त्याला मी संभाळतो; तो माझा निवडलेला, त्याच्याठायी माझा जीव संतोष पावतो; मी आपला आत्मा त्याच्यावर ठेवला आहे. तो राष्ट्रांसाठी न्याय पुढे आणणार . तो ओरडणार नाही व आपली वाणी उंचावणार नाही, आणि त्याची वाणी रस्त्यात ऐकू येणार नाही आणि तो ठेचलेला बोरू मोडणार नाही आणि मिणमिणत असलेली वात तो विझवणार नाही; तो सत्यतेने न्याय करील. तो सर्व पृथ्वीवर न्याय स्थापीपर्यंत थकणार नाही व निरुत्साही होणार नाही, आणि पृथ्वीतील द्वीपे त्याच्या नियमशास्त्राची व त्याच्या मुखातील शब्दांची वाट पाहतील. ज्या यहोवा देवाने आकाशे अस्तित्वात आणली आणि ती पसरली, ज्याने पृथ्वीला तिच्या उपजासहित विस्तारले, जो त्याच्यावर राहणाऱ्या लोकांना श्वास व तिच्यावर चालणा-यांना आत्मा देतो तो देव यहोवा असे म्हणतो, मी यहोवाने येशूला न्यायीपणाने बोलावले आहे, मी तुझा हात धरीन व तुला राखीन, आणि लोकांना करार व राष्ट्रांना प्रकाश म्हणून देईन. आंधळ्यांचे डोळे उघडायला व बंदिवानांना बंदिशाळेतून आणि अंधकारात बसलेल्यांना कोंडीतून बाहेर आणायला मी तुला साहाय्य करीन. मी यहोवा आहे, हे माझे नाव आहे; आणि दुसऱ्याला मी आपले गौरव देणार नाही, व कोरीव मूर्तीला आपली प्रशंसा देणार नाही. पाहा, पूर्वीच्या गोष्टी घडून आल्या आहेत, आणि नवीन गोष्टीविषयी भविष्य सांगून मी त्या पूर्ण करतो. त्या घडून येण्यापूर्वी त्यांविषयी मी तुम्हांला ऐकवतो. यहोवा देवाने जे काही पुढे येशू ख्रिस्ता विषयी होणार आहे ते यशया भविष्यवाद्याच्या मार्फत सांगितले व ते आपण पाहतो. यहोवा देवाने येशू ख्रिस्ताला जन्म देऊन त्याच्याकडून आंधळे, मुके यांना बरे केले व पाप्यांना सुमार्गावर आणले व यहोवा देवाचा शब्द त्याच्या मुखातून बोलून आपल्याला नवा करार दिला म्हणजेच यहोवा देवाचा शब्द कार्य केल्यावाचून रिता परत जात नाही. म्हणून आपण यहोवा देवाच्या व येशू ख्रिस्ताच्या पहिल्या आज्ञेप्रमाणे एकच यहोवा देवाला भजूया व जो आपला मुक्तीदाता येशू ख्रिस्त ऐकमेव मध्यस्थ त्याच्या‌द्वारे आपल्या विनंत्या व गा-हाणी यहोवा देवाकडे मांडूया म्हणजे तो त्या मान्य करील. हाललु याह आमेन.

श्री. अॅथोनी जॉन परेरा,
यहोवा देवाचा सेवक ( परेरा बिल्डर्स)