Скачать или смотреть საგაზაფხულო გაწვევა დაიწყო

სავალდებულო სამხედროს ამსახურში საგაზაფხულო გაწვევა დაიწყო. გაწვევის პროცესს კოორდინაციას საქართველოს რეგიონული განვითარებისა და ინფრასტრუქტურის სამინისტრო უწევს. სავალდებულო სამხედრო სამსახურში გაწვევას 18-დან - 27 წლამდე ასაკის მოქალაქეები ექვემდებარებიან, რომლებიც სამხედრო აღრიცხვაზე იმყოფებიან და არ აქვთ გადავადების ან გათავისუფლების უფლება.

მიმდინარე წლის გაზაფხულზე სულ 1650-მდე წვევამდელის გაწვევა მოხდება, რითაც მთლიანად დაკომპლექტდება საქართველოს სასჯელაღსრულებისა და პრობაციის, თავდაცვის და შინაგან საქმეთა სამინისტროების მოთხოვნები.

წვევამდელები, უწყების მიღების შემდეგ, მითითებულ ვადაში უნდა გამოცხადდნენ შესაბამის გამწვევ კომისიებში. გამწვევ კომისიაში გამოუცხადებლობა სამხედრო სამსახურიდან თავის არიდების მიზნით, საქართველოს ადმინისტრაციულ სამართალდარღვევათა კოდექსის 197-ე პრიმა მუხლის შესაბამისად, გამოიწვევს დაჯარიმებას 1000 ლარის ოდენობით.

ამჟამად მიმდინარეობს მოსამზადებელი სამუშაოები და წვევამდელთა სამედიცინო შემოწმება. აღნიშნული სამუშაოების დასრულების შემდეგ კი, 15 თებერვლიდან წვევამდელთა ჩარიცხვების პორცესი დაიწყება.

საგაზაფხულო გაწვევა წვევამდელთა შემკრებ-გამანაწილებელი პუნქტის შენობიდან ხორციელდება, სადაც მათ სამედიცინო გამოკვლევებიც უტარდებათ და დოკუმენტაციის სრულად მოსაგვარებლად რამდენიმე ადგილას მისვლა აღარ სჭირდებათ.