Скачать или смотреть ကလောမြို့လေးက ချစ်စရာအိမ်လေး Kalaw Pine Loft မှာ တည်းဖူးလား | Cute Little Vacation Home in Kalaw

ရာသီဥတုအေးမြပြီး စိမ်းစိုလှပတဲ့ တောင်တန်းတွေပတ်လည်ဝိုင်းလို့ ထင်းရှူးပင်တန်းလေးတွေ ရှိတဲ့အရပ်မှာ အိမ်လှလှလေးနဲ့နေမယ်လို့ ကျွန်တော်တို့တတွေ စိတ်ကူးယဉ်ဖူးကြတယ်။ တကယ်လက်တွေ့ဖြစ်လာတာ မဖြစ်လာတာ အသာထားဦး၊ ခဏတာဖြစ်ဖြစ်တော့ စိတ်ကူးလေးလက်တွေ့အကောင်အထည်ဖော်နိုင်ဖို့ အခုခေတ်မှာ လွယ်ကူလာပါပြီ။ တောင်ပေါ်မြို့လေး ကလော မှာ လုံးချင်းအိမ်လှလှလေးတွေ ငှားတဲ့ဝန်ဆောင်မှုတွေ ရှိလာတော့ ကိုယ့်အိပ်မက်တွေ အကောင်အထည် မပေါ်လာသေးခင်မှာ အမြည်းစိတ်ကူးယဉ်နေကြည့်သွားနိုင်ကြပြီလေ။ မြို့ပြရဲ့မွန်းကြပ်မှုတွေကနေ အဝေးထွက်ပြေးရင်း၊ အပူအမျိုးမျိုးကိုရှောင်ရင်း ကလောမြို့ကို ရောက်လာရင် ရွေးချယ်တည်းခိုလို့ရနိုင်တာက မြို့နဲ့ မနီးမဝေး အင်းပြင်က Pinewood Villa ထဲမှာ ရှိနေတဲ့ Kalaw Pine Loft အိမ်လေးပါ။ ခြံကျယ်လေးထဲမှာ ပန်းပင်လှလှတွေနဲ့အတူ ရှုခင်းကောင်းကောင်း ကို မြင်တွေ့နိုင်တဲ့ မှန်ချပ်ကြီးတွေနဲ့ ကဗျာဆန်လွန်းတဲ့ ဒီအိမ်လေးမှာ ရက်တိုပဲဖြစ်ဖြစ် ရက်ရှည်ပဲဖြစ်ဖြစ် တည်းခိုကြည့်တဲ့အခါ ဘယ်လိုနေမလဲဆိုတာ ကြိုတင်သိမြင်နိုင်ဖို့ ဗီဒီယိုလေးနဲ့ တင်ဆက်ပေးချင်ပါတယ်ဗျ...
Kalaw Pine Loft ကို ဆက်သွယ်စုံစမ်းချင်ရင်တော့ ဖုန်း ၀၉ ၄၄၅၉၉၈၄၀၄ ကို ဆက်သွယ်နိုင်ပါတယ်။

အားလုံးပဲ စိတ်ရွှင်လန်း ကျန်းမာ ဘေးကင်းကြပါစေ
သီဟလုလင် (Thiha, the Traveller)