Скачать или смотреть ဇာတ်ပွဲပြန်ကတဲ့ ညမှာပဲ သိန်းပေါင်း ၅၀၀ ဆုချခံရပြီး မင်းသားအငယ်တွေကို ကျော်တက်သွားတဲ့ စွမ်းဇာနည်

ဇာတ်သဘင်လောကရဲ့ ထိပ်တန်းမင်းသားကြီး စွမ်းဇာနည် ဆိုတာ ပရိသတ်တွေရဲ့ ရင်ထဲမှာ ဘယ်တော့မှ ဖျောက်ဖျက်လို့မရတဲ့ အနုပညာရှင်တစ်ဦးပါ။

ကျန်းမာရေး အခြေအနေကြောင့် အနုပညာအလုပ်တွေကို အကြာကြီး အနားယူထားခဲ့ရပြီး ပရိသတ်တွေနဲ့ ဝေးကွာနေခဲ့ပေမဲ့ သူပြန်လာမယ့်နေ့ကို မျှော်လင့်ချက်အပြည့်နဲ့ စောင့်စားနေသူတွေကတော့ မနည်းမနောပါပဲ။

ပြီးခဲ့တဲ့လကတင် အိန္ဒိယနိုင်ငံအထိ သွားရောက်ကာ ခြေထောက်ဆေးကုသမှု ခံယူခဲ့ရတဲ့ စွမ်းဇာနည်က အခုတော့ ပရိသတ်တွေရဲ့ တောင်းဆိုမှုကြောင့် ဇာတ်စင်ပေါ်ကို တစ်ကျော့ပြန် တက်လှမ်းလာခဲ့ပါပြီ။

ပျဉ်းမနားမြို့ လောကမာရဇိန်ဘုရား တပေါင်းပွဲတော်မှာ စွမ်း ပြန်လာပြီဆိုတဲ့ နာမည်နဲ့အတူ ကပြဖျော်ဖြေခဲ့တာဖြစ်ပါတယ်။

ပထမဆုံးပွဲမှာတင် ပရိသတ်တွေရဲ့ ဝက်ဝက်ကွဲအားပေးမှုတွေကြောင့် စွမ်းဇာနည်ရဲ့အရှိန်အဝါက ဘယ်လောက်ထိကြီးမားသလဲဆိုတာ တခြားမင်းသားတွေတစ်ခါတည်းတွေ့မြင်သွားခဲ့ရပါတယ်။

အမှန်တော့ စွမ်းဇာနည်ရဲ့ ကျန်းမာရေးအခြေအနေက အရင်လို ဇာတ်စင်ပေါ်မှာ လွတ်လွတ်လပ်လပ် ကပြနိုင်ဖို့ လုံးဝကြီး ပြန်ကောင်းလာတာမျိုးတော့ မဟုတ်သေးပါဘူး။

ဒါပေမဲ့ သူ့ကို ချစ်တဲ့ ပရိသတ်တွေက တောင်းဆိုကြလွန်းလို့ ကိုယ်လက်မကျန်းမာတဲ့ ကြားကပဲ အကောင်းဆုံး ကြိုးစားပြီး ဖျော်ဖြေခဲ့တာ ဖြစ်ပါတယ်။

ပရိသတ်တွေအနေနဲ့ကလည်းတခြားမင်းသားတွေဘယ်လောက်ပဲပေါ်ထွက်လာပါစေ စစ်မှန်တဲ့ဇာတ်သဘင်အရည်အချင်းတွေကိုထုတ်ပြနိုင်တဲ့ မင်းသားစွမ်းကိုပဲ မျှော်လင့်နေကြတာပါ။

ဒါကိုသိတဲ့စွမ်းဇာနည်ကလည်း ပြန်လည်နေကောင်းလာဖို့အတွက်အများကြီးကြိုးစားခဲ့ပြီး တတ်နိုင်သမျှအင်အားနဲ့ ကပြဖျော်ဖြေဖို့ဆုံးဖြတ်ခဲ့တာဖြစ်ပါတယ်။

ဒီလိုမျိုး ပရိသတ်အပေါ်ထားတဲ့စေတနာကြောင့်ပဲ ဇာတ်ပြန်ကတဲ့ ပထမဆုံးညမှာတင် မယုံနိုင်စရာ ကောင်းလောက်အောင် သိန်းပေါင်း ၅၀၀ ကျော် ဆုချီးမြှင့်ခြင်း ခံခဲ့ရပါတယ်။

တခြားမင်းသားတွေရဲ့အပြိုင်အောင်မြင်ချင်လို့ ဟန်ပြသက်သက်မဟုတ်ဘဲ စွမ်းရဲ့အမာခံပရိသတ်တွေက ပိုက်ဆံအထုပ်လိုက်ကြီးကို စင်ပေါ်အထိ တက်ရောက်ပြီး စွမ်းဇာနည်ကို အားရပါးရ ပေးအပ်ခဲ့တာပါ။

ဒါကလက်ရှိ အောင်မြင်နေပါတယ် ပရိသတ်ဆီကအချစ်ခံနေရပါတယ်ဆိုတဲ့ မင်းသားအငယ်တွေကိုပါ တစ်ရှိန်ထိုး ကျော်တက်သွားတဲ့ စွမ်းဇာနည်ရဲ့ အရှိန်အဝါပဲ ဖြစ်ပါတယ်။

စွမ်းဇာနည်ကတော့ ကျွန်တော် အခုလို ဇာတ်ပွဲတွေ ပြန်ကတာက ပရိသတ်ပေးတဲ့ ဆုတွေကို လိုချင်လို့ မဟုတ်ပါဘူး ကျွန်တော့်ကို အကြာကြီး စောင့်နေတဲ့ ပရိသတ်တွေရဲ့ မေတ္တာကို ကျေးဇူးဆပ်ချင်လို့ပါ ဆိုပြီး သူ့ရဲ့ စစ်မှန်တဲ့ စိတ်ရင်းကို ရိုးရိုးသားသားပဲဖွင့်ဟပြောဆိုလာခဲ့ပါတယ်။

တကယ်တော့ နှစ်ပေါင်းဘယ်လောက်ပဲကြာပါစေ စွမ်းဇာနည်က ပရိသတ်တွေရဲ့ ရင်ထဲမှာ စစ်မှန်တဲ့ မင်းသားတစ်ယောက်အဖြစ် အခိုင်အမာ နေရာယူထားဆဲပါ။

မင်းသားခေါင်းပေါင်းလေးနဲ့ စင်ပေါ်မှာ ပြန်မြင်လိုက်ရတဲ့ သူ့ရဲ့ အရှိန်အဝါက အရင်အတိုင်း ထက်မြက်နေဆဲဖြစ်သလို ပရိသတ်မေတ္တာကြောင့် ရရှိလာတဲ့ သိန်း ၅၀၀ ကျော် ဆုငွေတွေကလည်း သူ့ရဲ့ အနုပညာကဘယ်လောက်တန်ဖိုးရှိလဲဆိုတာကို သက်သေပြနေတာပဲ ဖြစ်ပါတယ်။

ပရိသတ်တွေအတွက်ကတော့ စွမ်းဇာနည်ဒီအတိုင်းထိုင်နေရင်တောင်မှ အားပေးဖို့အဆင်သင့်ရှိနေကြတာဖြစ်ပြီး ဇာတ်မင်းသားဝတ်စုံနဲ့စင်ပေါ်မှာ ပြန်ပြင်ဖို့ကတော့ ကြီးမားတဲ့ ဆုကြီးတစ်ခုပါ။

ဒီနေ့ခေတ်မင်းသားတွေလို တစ်ခုခုဆိုရင်ပွဲဖြစ်နေကြတာမျိုးလည်းမဟုတ်ဘဲ အေးအေးချမ်းချမ်းနဲ့ပွဲကြည့်ခဲ့ရတဲ့ညတွေက စွမ်းဇာနည်တို့ ဖိုးချစ်တို့ခေတ်မှာပဲရှိခဲ့တာပါ။

ဒါကြောင့်ဇာတ်သဘင်ကိုအမှန်တကယ်ချစ်မြတ်နိုးတဲ့ပရိသတ်တွေကတော့ စွမ်းဇာနည်ရဲ့ပြန်လာမှုကို တခဲနက်ဝမ်းသာအားပေးနေကြပါတယ်။

ကျန်းမာရေးမကောင်းတဲ့ ကြားကနေ ပရိသတ်အတွက် ကြိုးစားပေးတဲ့ စွမ်းဇာနည်ရဲ့ စိတ်ဓာတ်ကိုလည်း ဘယ်မင်းသားငယ်မှ လိုက်မှီနိုင်မှာ မဟုတ်ပါဘူး။

ပရိသတ်ကြီးတို့ရော တခေတ်တခါကမင်းသားလေးစွမ်းရဲ့ ပြန်လည်ကပြဖျော်ဖြေမှုနဲ့ အခုလိုဆုချီးမြှင့်ခံရတာတွေကိုကြည့်ပြီး ကျေနပ်မိသလားဆိုတာပြောပြခဲ့ပါဦးနော်။