Скачать или смотреть ចូរបង្កើនការរាប់អានមនុស្សល្អៗឲ្យបានច្រើន!

بسم الله الرحمن الرحيم
លោក ហាសាន់ ប៉ាសារី រ៉ហ៊ីម៉ាហ៊ុលឡោះ បាននិយាយថា ៖ ចូរពួកអ្នកបង្កើននូវការរាប់អានមនុស្សដែលល្អៗឲ្យបានច្រើន។ ជាការពិតណាស់ នៅថ្ងៃបរលោកពួកគេទាំងនោះនឹងអាចជួយផ្ដល់នូវផលប្រយោជន៍ដល់អ្នកបាន។ បានន័យថា ចូរបង្កើននូវការរាប់រក និងរាប់អានពួកគេ ស្គាល់ពួកគេឲ្យបានច្រើន។ ពេលនោះមានគេសួរទៅគាត់ថា តើពួកគេ(មនុស្សល្អៗ)ទាំងនោះអាចផ្ដល់ផលប្រយោជន៍ដល់យើងដោយរបៀបណាទៅ? លោក ហាសាន់ ប៉ាសារី ក៏បានតបវិញថា ៖ នៅពេលដែលអ្នកចូលឋានសួគ៌បានចូលទៅក្នុងឋានសួគ៌អស់ ពួកគេក៏បាននាំគ្នារំលឹកអំពីមិត្តភក្កិរបស់ពួកគេការនៅក្នុងលោកិយ និយាយអំពីស្ថានភាពរបស់ពួកគេកាលនៅក្នុងលោកីយ។ ពេលនោះមានម្នាក់ក្នុងចំណោមពួកគេក៏បាននិយាយថា ៖ តើមិត្តភក្កិខ្ញុំម្នាក់នោះទៅណាបាត់ទៅ តើគេនៅធ្វើអ្វី(ហេតអ្វីបានជាមិនឃើញគេនៅក្នុងឋានសួគ៌ជាមួយខ្ញុំបែបនេះ?)?។ ពិតណាស់ខ្ញុំមានមិត្តភក្កិដែលធ្លាប់រៀនជាមួយគ្នា ឬក៏អ្នកដែលស្ថិតនៅតំបន់ដែលខ្ញុំរស់នៅជាមួយនៅ ឬមិត្តភក្កិស្គាល់គ្នានៅសកលវិទ្យាល័យ ឬក៏អ្នកធ្វើការជាមួយគ្នា តើគេបានធ្វើអ្វីទៅ? តើពេលនេះគេនៅឯណា? ហេតុអ្វីបានជាខ្ញុំមិនឃើញគេនៅក្នុងឋានសួគ៌ជាមួយខ្ញុំដូច្នេះ? ពេលនោះ មានគេឆ្លើយថា ៖ តាមពិតរូបគេ(មិត្តភក្តិម្នាក់នោះ)ពេលនេះកំពុងស្ថិតនៅក្នុងឋាននរកនៅឯណោះ។ ពេលនោះ អ្នកមានអ៊ីម៉ាន់(អ្នកមានជំនឿ)ម្នាក់នោះក៏បានពោលថា ៖ ឱម្ចាស់របស់ខ្ញុំ ភាពសប្បាយរីករាយនៅក្នុងឋានសួគ៌នេះគឺមិនទាន់គ្រប់គ្រាន់សម្រាប់ខ្ញុំទេ លុះត្រាតែមិត្តភក្កិរបស់ខ្ញុំគេបានចូលឋានសួគ៌ជាមួយខ្ញុំដែរ។ នៅពេលនោះអល់ឡោះជាម្ចាស់ក៏បានបញ្ជាទៅកាន់គេ(ម៉ាឡាអ៊ីកាត់ ឬទេវតា) ហើយគេក៏បានបញ្ចេញបុរសម្នាក់នោះ បញ្ចេញមិត្តភក្កិរបស់បុរសម្នាក់នោះពីក្នុងឋាននរកហើយបញ្ចូលគេទៅក្នុងឋានសួគ៌វិញ។ ពុំមែនដោយសារតែគេបានសាងធ្វើកុសលដូចជា ការបួស ការក្រោកសឡាត(ថ្វាយបង្គំ)ពេលយប់(គីយ៉ាមុលលៃល៍) ការសូត្រគម្ពីរគួរអាន ឬក៏ការបរិច្ចាគទានអ្វីនោះទេ តាមពិតគឺដោយសារតែមិត្តភក្កិរបស់គាត់បានជួយធ្វើអន្តរាគមន៍ដល់គាត់តែប៉ុណ្ណោះ...ដើម្បីជាការលើកតម្កើង ឬផ្ដល់កិត្តិយសដល់មិត្តភក្កិរបស់គាត់ដែលនៅឋានសួគ៌នេះ...ដូចនេះចូបញ្ចេញគេពីឋាននរកវិញចុះ។ ពេលនោះ អ្នកនៅក្នុងឋាននរកក៏បាននិយាយថា គួរឲ្យចម្លែកមែនទែនសម្រាប់បុរសម្នាក់នេះ តើនរណាជាអ្នកជួយធ្វើអន្តរាគមន៍ដល់គេ? តើឪពុករបស់គេជាអ្នកស្លាប់ក្នុងពេលតស៊ូក្នុងសង្គ្រាម(ស្ហាហ៊ីទ)ឬ? មានគេឆ្លើយថា៖ទេ មិនមែនទេ.... ឬក៏គេមានបងប្អូនដែលជាអ្នកស្លាប់ក្នុងពេលតស៊ូក្នុងសង្គ្រាម(ស្លាប់ស្ហាហ៊ីទ) ឬក៏មានម៉ាឡាអ៊ីកាត់(ទេវតា)ណាមួយជួយធ្វើអន្តរាគមន៍ដល់គេ ឬក៏មានណាពី(ព្យាការី)ណាមួយជួយធ្វើអន្តរាគមន៍ឲ្យគេ(ដើម្បីបានចេញពីឋាននរក)? ពេលនោះមានគេនិយាយថា ៖ ទេ មិនដូច្នោះនោះទេ តាមពិតគឺដោយសារតែមិត្តភក្កិរបស់គេជាអ្នកជួយធ្វើអន្តរាគមន៍ដល់គេតែប៉ុណ្ណោះ។ នៅពេលនោះហើយដែលពួកអ្នកគ្មានជំនឿ ពួកអ្នកដែលស្ថិតក្នុងឋាននរកបានពោលថា ៖
فما لنا من شافعين ولا صديق حميم فلو أن لنا كرة فنكون من المؤمنين
ឱអនិច្ចារូបពួកយើងអើយ! សូមឲ្យពួកយើងបានវិលត្រឡប់ទៅកាន់លោកិយវិញម្តងទៀតផងចុះ ដើម្បីឱ្យពួកយើងអាចរាប់រកមនុស្សដែលល្អ សេពគប់ធ្វើជាមិត្តភក្កិ(ដើម្បីឲ្យគេអាចជួយអន្តរាគមន៍ដល់ពួកយើងនៅពេលនេះបាន)។

#ប្រែជាខេមរភាសាដោយ ៖ Cacco