Скачать или смотреть ღარიბაშვილი მარგველაშვილის გამოსვლაზე: დამაკნინებელი და უსამართლო კრიტიკა გუნდის წევრის მხრიდან

დამაკნინებელი და უსამართლო საჯარო კრიტიკა გუნდის წევრის მხრიდან, - ასე შეაფასა პრემიერმა პრეზიდენტის ყოველწლიური გამოსვლა პარლამენტში.

ირაკლი ღარიბაშვილი აცხადებს, რომ ნაწყენია გიორგი მარგველაშვილის იმ განცხადებების გამო, რომელშიც პრეზიდენტმა მთავრობა და სხვადასხვა სამთავრობო უწყება გააკრიტიკა.

პრემიერმა შეაფასა კონკურენციის სააგენტოსა და ეკონომიკურ საბჭოსთან დაკავშირებით გაკეთებული განცხადებები. მისი თქმით, პრეზიდენტი არასდროს დაინტერესებულა ამ რგოლების მუშაობით, რას აკეთებდა საბჭო და უშლიდა თუ არა ხელს მუშაობაში რომელიმე უწყებას.

პრემიერი ამბობს, რომ მოსახლეობამ „ქართული ოცნება“ არ აირჩია პრეზიდენტის კრიტიკისა და მთავრობის პასუხების მოსასმენად და ამისთვის დროის ხარჯვის უფლება ხელისუფლებას არ აქვს.

კიდევ ერთი თემა იყო პრეზიდენტის გუშინდელი განცხადება ასოცირების შეთანხმებისა და ნატო-ს არსებითი პაკეტის იმპლემენტაციის საკითხებზე კომისიის მოწვევის შესახებ. მარგველაშვილის საპასუხოდ, პრემიერი ამბობს, რომ ეს არის მთავრობის კომპეტენცია და ამ საკითხებში სხვა ინსტიტუტები არ უნდა ერეოდნენ.