Скачать или смотреть Suðureyri við Súgandafjörð um 1960

Myndefni að mestu úr safni Kjartans Ó. Bjarnasonar og það notað hér með blessun Kvikmyndasafns Íslands.

Úr umfjöllun Morgunblaðsins þann 13. nóvember 1958 um vígslu barnaskólans á Suðureyri:

„Hið nýja skólahús er 240 fermetrar að grunnfleti, á tveimur hæðum. Undir því er 40 fermetra kjallari og húsið allt er nálægt 2000 rúmmetrar. Í því eru þrjár kennslustofur og hver þeirra ætluð fyrir 36 börn. Auk þess er skrifstofa skólastjóra og smáherbergi á báðum hæðum fyrir bókasafn og kennslugögn. Forsalur er stór og rúmgóður, 4x8 m á stærð. Er þar geislahitun í gólfi til þess gerð að forsalurinn haldist jafnan þurr. Þá eru snyrtiherbergi fyrir pilta og stúlkur á báðum hæðum. Í forsal er gert ráð fyrir að verði skápur fyrir náttúrugripasafn, ennfremur er þar allstórt blómabeð við gluggann, sem er mjög stórt, nánast öll framhliðin. Þetta blómabeð á bæði að vera ítil skrauts og til þess að venja börnin á snyrtilega umgengni og vekja fegurðarsmekk þeirra. Tvær kennslustofanna eru á efri hæð og er hægt að sameina þær í einn sal, með því að nema burtu skilrúmið milli þeirra. í skólanum er gert ráð fyrir að starfrækja unglingadeild. [...] Gamla barnaskólabyggingin er orðin 50 ára og alls ónóg, enda svo lítil að hún samsvarar forsalnum einum í nýja skólahúsinu. Nú eru 80 börn á skólaskyldualdri á Suðureyri.“