Скачать или смотреть 首爾親子遊EP4｜南怡島｜南怡島飛索

【離地十幾層 ．飛索飛入南怡島】

好多人去 #首爾 都會參加一日團去 #南怡島，但係比較喜歡寧靜嘅，我哋就寧願住兩晚慢慢細微呢個地方。

今次去南怡島其中一個希望做到嘅就係玩呢個 #飛索！好彩留咗喺度兩晚，因為第一日落大雨冇機會玩到🌧️🌧️🌧️ 於是我就喺第三日臨走之前先有機會玩！

原本出發之前已經幫大肥做咗心理準備，佢係會同我一齊飛入去！原本睇到只需要身高140cm就可以玩，誰不知竟然佢太輕🥹🥹🥹 所以佢就同妹妹、同埋爸爸坐船入去南怡島 (詳情唔多講因為網上都有好多資訊)

而我就❗️自己一個人飛入去❗️

第一轉係早上10:00 ，於是我準時9:30就去到售票處，已經有十幾個人。我哋坐一部鐵網型嘅lift上去，人人都一雙一對，但係我自己一個，所以就有啲驚😵‍💫

上到去佢就會做少少briefing，不過都唔係太複雜，簡單嚟講只要坐上去就可以。本身我諗住觀察吓，但係因為我係 solo 竟然喺冇心理準備底下，我就要飛出去😵😵 (好彩有個工作人員陪伴住我）

📱 特別要留意嘅係，你一定要有帶scrap 先可以拎個電話出嚟，所以如果準備拍片嘅朋友就記得要準備吓啦！

其實整個過程都好好玩，沒有離心力，並咗出去20秒左右，我就可以好好享受咁靚嘅風景！

南怡島真係一個幾優美嘅地方好值得喺度spend半日，如果唔係趕飛機，我諗我就會留耐啲😕 希望下次有機會再嚟啦🫶🏻

【首爾親子遊．Day 1🇰🇷 】https://bit.ly/46HM6cM
【首爾親子遊．Day 2 Day 3🇰🇷 】 https://bit.ly/3ArsSw3
【首爾親子遊．kidzania】https://bit.ly/3ThXuGX