麥振江嫁女盧海鵬等好友到賀 李龍基承諾娶明年出獄未婚妻

麥振江嫁女盧海鵬等好友到賀 李龍基承諾娶明年出獄未婚妻

《警訊》元祖級主持 麥振江 愛囡；前主播 麥詩敏 出嫁，一眾圈中好友盧海鵬、李龍基、鄧英敏及黃澤鋒等到賀。榮升為外父嘅麥Sir非常開心，大讚女婿叻仔，有人代佢好好照顧詩敏，但講到囡囡出嫁，麥Sir直認不捨，因為詩敏一直同佢在工在私關係密切，佢又話抱孫與否一切隨緣。

李龍基話睇住詩敏長大，婚宴上會應麥Sir邀請上台獻唱，又傳授夫妻相處之道。講到服刑中嘅未婚妻王青霞近況，基哥話Chris明年7月7日重獲自由，因為有了日子，所以心情比之前平靜得多。出獄後會遣返內地，佢會北上迎娶Chris及再申請對方來港居住，佢又指Chris消瘦咗十幾磅，因為飲食清淡同掛住老公(意指自己)。澤鋒一家三口到賀，見到麥Sir嫁女，即諗起若果將來自己女兒出嫁，一定會不捨。

一對新人感激親朋到賀，講到難忘時刻，詩敏就話係老公接新娘時嘅受的宣言，感覺到老公出自真心，又大讚老公為佢開金口獻唱冧歌，因為平時叫老公唱歌都唔肯唱。詩敏又指爸爸送佢出嫁時手到震埋，感覺到爸爸唔捨得，佢同爸爸講時不時會返屋企飲湯，叮囑唔好拆咗佢間房。

#麥振江 #嫁女 #麥詩敏 #盧海鵬 #李龍基 #鄧英敏 #黃澤鋒 #到賀 #王青霞 #7月7日 #出獄 #遣返內地 #辦理結婚 #申請來港 #消瘦 #愛的宣言 #感動 #開金口
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0