Скачать или смотреть Inntekter til Hol kommune kjem først og fremst frå salg av eigen energi. Me må være smarte!

Energi- og miljøpolitikk
Sal av elektrisk energi basert på rettar samt produksjon fra eigne kraftverk, har i årtider vore Hol
kommune si viktigaste inntektskjelde. Difor er Hol kommune av dei fremste i landet når det kjem til
kommunale tenester som barnehage, skole, helse og eldreomsorg. Det er også desse inntektene som
har vore grunnlaget for kommunen sitt desentraliserte tenestetilbod.
Hol kommune sine kraftrelaterte inntekter har somme år utgjort over 40 % av budsjettet.
Energispørsmål er allereie knytta samen med klima- og miljøspørsmål gjennom kommunen sin Klima-
og energiplan 2022-2026. Hol Bygdeliste meiner at det må setjast søkelys på ein meir aktiv
kraftpolitikk, tett knytt opp til klima- og miljøspørsmål, og at det difor må opprettast eit eige utval for
å jobbe aktivt med saker som handlar om energi- og miljøpolitikk.
Hol Bygdeliste vil ha desse konkrete arbeidsmåla i perioden:

Energi, miljø og ENØK-tiltak.
Hol Bygdeliste vil etablere eit fagutvalg som skal jobbe med den vedtatte Energi- og
miljøplanen til Hol kommune, samt jobbe med tidsaktuelle tiltak og problemstillingar som er
knytt til energi- og miljøspørsmål i kommunen. Utvalet skal innehalde fagpersonar innan
energi- og miljøsektoren.

Støtte til næringslivet
Hol Bygdeliste vil arbeide for å gi kommunen sitt næringsliv moglegheita til å kjøpe elektrisk
energi til same pris som Hol kommune prissikrar kraft, frå rettar og eigenproduksjon på
marknadsplassen Nord Pool. Dette blir ei oppgåve for Ustekveikja energi, og vil gi
næringslivet i kommunen forutsigbarheit.

Fornybar energi
Hol Bygdeliste vil arbeide aktivt og målretta med å vidareutvikle produksjon av meir rein
fornybar energi, samt at kommunen blir ein aktiv aktør når moglegheita til å sikre meir energi
ved oppkjøp etc. måtte bli aktuelt.

Kraftinntekter
Hol Bygdeliste mener prinsipielt at det er ei statleg oppgåve å sikre innbyggarar og næringsliv
ein tidsmessig rett energipris. Hol Bygdeliste vil at kraftinntekter skal kome innbyggarar i Hol
kommune til gode på den mest effektive og føremålstenlege måten. Dette sett i samanheng
med det stadige presset som opplevast mot dei lovfastsette konsesjonsrettane, altså
samfunnskontraktane, som kommunen har som allmenn kompensasjon for ulike
kraftutbyggingar.

Straumforbruk
Hol Bygdeliste vil arbeide for at innbyggarane blir mindre avhengige av straum til oppvarming
ved målretta støtte til m.a. solceller, bioenergi og energisparing. Dette heller enn direkte
støtte til forbruk. Direkte straumstøtte er eit dårleg tiltak for å møte dagens og framtidas
klima- og miljøutfordringar, og har i tillegg ein svært dårleg sosial profil.

Hol Bygdeliste støttar etableringa av stillinga som Energi- og miljørådgjever. Me meiner
denne personen må ha spesielt fokus på enøktiltak og utnytting av konsesjonskraft.

‪@Holbygdeliste‬