Скачать или смотреть லட்சக்கணக்கான பக்தர்கள் குவிந்த சொரிமுத்தையனார் கோவில் ஆடி அமாவாசை பூக்குழி திருவிழா

காரையாறு சொரிமுத்து அய்யனார் கோவிலில் ஆடி அமாவாசை திருவிழாவில் 1000க்கும் மேற்பட்ட பக்தர்கள் பூக்குழி இறங்கினர்
சுமார் ஒரு லட்சம் பக்தர்கள் ஒரே நாளில் தரிசனம்

நெல்லை மாவட்டம் அம்பாசமுத்திரம் அருகே மேற்கு தொடர்ச்சி மலையில் பிரசித்தி பெற்ற காரையாறு சொரிமுத்து அய்யனார் கோவில் உள்ளது .

இந்த கோவிலில் ஆடி அமாவாசை திருவிழா கடந்த 22ஆம் தேதி கால்நாட்டுதல் நிகழ்ச்சி நடைபெற்றது.

தொடர்ந்து நெல்லை தென்காசி தூத்துக்குடி, கன்னியாகுமரி உள்ளிட்ட தென் மாவட்டங்களில் இருந்து ஏராளமான பக்தர்கள் கோவில் சுற்று வட்டார பகுதியில் குடும்பத்தினருடன் குடில்கள் அமைத்து தங்கினர்.

ஆடி அமாவாசையை தினமான இன்று காலை முதல் பல்வேறு அபிஷேகங்கள் செய்யப்பட்டு வர்ணம் மலர்களால் அலங்காரம் செய்யப்பட்டுசுவாமிகளுக்கு சிறப்பு பூஜைகள் ஆராதனைகள் நடைபெற்றன.

கோவிலுக்கு வருகை புரியும் பக்தர்களை பாபநாசம் வன சோதனை சாவடியில் மது பாட்டில்கள்,
அரசால் தடை செய்யப்பட்ட பிளாஸ்டிக் பொருட்கள், புகையிலைப் பொருட்கள் கொண்டு செல்கிறார்களா என தீவிர சோதனைக்கு பின்னரே அனுமதிக்கப்பட்டனர்.

இன்று ஒரே நாளில் மட்டும் சுமார் ஒரு லட்சம் பக்தர்கள் வருகை தந்து சுவாமி தரிசனம் செய்துள்ளனர்.

இரவு நேரத்தில் நடைபெற்ற விழாவில் கருப்பசாமி, சங்கிலி பூதத்தார், பட்டவராயன் கோவில் உள்ளிட்ட மூன்று பகுதிகளில் பூக்குழி அமைக்கப்பட்டன.

பூக்குழி திருவிழாவில் ஆயிரத்திற்கும் மேற்பட்ட விரதம் இருந்து வந்த பக்தர்கள் கலந்து கொண்டு பூக்குழி இறங்கி தங்களது நேர்த்தி கடனை செலுத்தினர்.

ஆண்டுதோறும் இரவு நேர கொடை விழாவில் சிங்கம்பட்டி ஜமீன்தார் முருகதாஸ் தீர்த்தபதி அவர்கள்
ராஜ தர்பார் காட்சி அளித்து மக்களுக்கு ஆசி வழங்குவார் .
தற்போது அவர் மறைந்த நிலையில்
அவரது திருவுருவ படம் அமைக்கப்பட்டு ராஜ தர்பார் விழாவில் மரியாதை செலுத்தப்பட்டது .
இதில் அவருடைய இளைய மகன் கலந்து கொண்டார்.

தொடர்ந்து பாதுகாப்பு பணியில் நெல்லை மாவட்ட காவல் கண்காணிப்பாளர் சிலம்பரசன் , சேரன்மகாதேவி சார் ஆட்சியர் அர்பித் ஜெயின் , களக்காடு முண்டந்துறை புலிகள் காப்பக இயக்குனர் இளையராஜா சிறப்பு விருந்தினராக கலந்து கொண்டனர்.

திருவிழாவிற்காக தீயணைப்பு துறையினர், வனத்துறையினர், காவல்துறையினர் என 1000 மேற்பட்டோர் பாதுகாப்பு பணியில் ஈடுபட்டு வருகின்றனர்.

திருவிழாவை முன்னிட்டு தமிழக அரசு போக்குவரத்துக் கழக சார்பில் 200க்கும் மேற்பட்ட சிறப்பு பேருந்துகள் இயக்கப்பட்டுள்ளன