Скачать или смотреть វីដេអូឯកសារ៖ ដំណើរការប្រឡងសិស្សពូកែមធ្យមសិក្សាជំនាន់ទី២ ឆ្នាំសិក្សា២០២៤-២០២៥

វីដេអូឯកសារ៖ ដំណើរការប្រឡងសិស្សពូកែមធ្យមសិក្សាជំនាន់ទី២ ឆ្នាំសិក្សា២០២៤-២០២៥

កាលពីថ្ងៃអាទិត្យ ទី៨ ខែកញ្ញា ឆ្នាំ២០២៤ សាលាហ្គោគ្លូប៊លបានរៀបចំនូវការប្រឡងជ្រើសរើសសិស្សពូកែមធ្យមសិក្សាជំនាន់ទី២ ឆ្នាំសិក្សា២០២៤-២០២៥ ដើម្បីទទួលបានអាហារូបកណ៍១០០% ក្រោមការអញ្ជើញចូលរួមជាអធិបតីភាពរបស់ លោក លី ប៊ុនណា ប្រធានមន្ទីរអប់រំ យុវជន និងកីឡាខេត្តសៀមរាប និងលោកសាស្តា្រចារ្យបណ្ឌិត គឹម ឆៃហៀង ទីប្រឹក្សាក្រុមប្រឹក្សាភិបាលនៃសាលាហ្គោគ្លូប៊ល ក្នុងការចែកវិញ្ញាសាជូនដល់សិស្សានុសិស្សប្រឡងជ្រើសរើសសិស្សពូកែមធ្យមសិក្សាឆ្នាំសិក្សា២០២៤-២០២៥ (ជំនាន់ទី២) ដើម្បីចូលរួមពង្រឹងគុណភាពអប់រំ អភិវឌ្ឍធនធានមនុស្ស ប្រកបដោយក្រមសីលធម៌ និងចំណេះដឹងខ្ពស់។

អំឡុងពេលប្រឡងសិស្សពូកែនេះដែរលោកនាយកសាលា ឡុក ឡងឌី និងគណៈគ្រប់គ្រងសាលា ក៏បានណែនាំអំពីគោលការណ៍ការប្រឡងជ្រើសរើសសិស្សពូកែ ដើម្បីទទួលបានអាហារូបករណ៍១០០% ឆ្នាំសិក្សា២០២៤-២០២៥។ ក្នុងដំណើរការប្រឡងប្រព្រឹត្តទៅមានរយៈពេល ១ថ្ងៃ ដោយធ្វើការប្រឡងទៅលើមុខវិជ្ជាចំនួន៣ គឺគណិតវិទ្យា ភាសាខ្មែរ និងភាសាអង់គ្លេស។

គួរបញ្ជាក់ផងដែរថា នេះជាលើកទី២ហើយដែលសាលារៀនហ្គោគ្លូប៊លបានរៀបចំការប្រឡងសិស្សពូកែនេះឡើង ដើម្បីជាការផ្តល់ឱកាសដល់បេក្ខជនទាំងអស់ដែលមកពីសាលាសាធារណៈ ក៏ដូចជាសាលាឯកជនមួយចំនួន ក្នុងខេត្តសៀមរាប ឱ្យទទួលបានឱកាសប្រឡងយកអាហារូបករណ៍នេះ។ ក្នុងនោះបេក្ខជនចូលរួមប្រឡងសរុបចំនួន ១៨៨នាក់ ស្រី ១៣២នាក់ ដែលគ្រប់ដំណើរការប្រឡងតាំងពីដើមរហូតដល់ចប់បានប្រព្រឹត្តទៅប្រកបដោយសណ្ដាប់ធ្នាប់ របៀបរៀបរយល្អ មានសុវត្ថិភាព ពុំមានឧបទ្ទវហេតុ និងពុំមានបេក្ខជនណាម្នាក់មានបញ្ហាសុខភាពគួរឱ្យកត់សម្គាល់នោះដែរ។ ដោយឡែកលទ្ធផលប្រឡង ត្រូវបានគណៈមេប្រយោគ និងគណៈកម្មការប្រឡងសម្រិតសម្រំាងដោយមានការយកចិត្តទុកដាក់ខ្ពស់ ប្រកបដោយគតិយុត្តិធម៌ និងរក្សាការសម្ងាត់។ ឆ្លៀតក្នុងឱកាសនេះ គណៈកម្មការរៀបចំការប្រឡងក៏បាន ថ្លែងនូវអំណរគុណដល់បេក្ខជនមកពីសាលានានាដែលបានចូលរួមប្រឡងសិស្សពូកែនេះ ជាការចូលរួមចំណែកក្នុងការអភិវឌ្ឍធនធានមនុស្សសម្រាប់សង្គមជាតិរបស់យើង។

#ប្រឡងសិស្សពូកែ #សាលាហ្គោគ្លូប៊ល #goglobalschool

--------------------------------------------------------
ព័ត៌មានបន្ថែម៖
017 511 168 | 063 5066 999
#goglobalschool #Goglobalpodcast #wegoglobal #wegoschool #secondaryschool #primaryschool #highschool #siemreap

បេសកកម្មរបស់យើងគឺត្រូវរៀបចំបរិយាកាសសិក្សាល្អដើម្បីឱ្យសិស្សមានឆន្ទៈស្វ័យសិក្សា!

Go Global School is a new and innovative international school that offers classes in Khmer and British English for children in Early Years Foundation Stage through Key Stages. There are three main programmes currently offered at our campus such as Foreign Language Programme (Early Years Foundation Stage & Key Stages), Khmer Programme (Early Childhood Education, Primary Education & Secondary Education), and General Programme (English, Chinese, Computer, Arts). The Foreign Language Programme is functioned following the British National Curriculum and taught by qualified and experienced native English teachers, and the same time, the Khmer Programme is followed the Cambodian National Curriculum from the Ministry of Education, Youth and Sports and taught by teachers who earned their teaching licenses and qualifications from either the provincial or national education centres in the nation.