Elvin Nasir - Bakı (YENİ)

Elvin Nasir-in ifa etdiyi "BAKI" adlı parçası artıq onlayndır!
Elvin Nasir-ə YouTube-da abunə ol :

Söz: Elvin Nasir
Beat: Sera Beat
Səsyazma: Ecaz Studio
Səs uzlaşması: Tural Ömərov (Thedd music)

Sözləri:

Ey bu dünyada qərib cismimə məskənim Bakı
Bu aciz hisslərimin,son yeri,mədfənim Bakı
Sən məni dəfn elədin,göy xəzərin sahilində
Ey mənim arzularıma,xəyallarıma qənim Bakı


Nə qədər sevgilərin qatilisən gizli-gizli
Nə qədər ağlayanlara gülmüsən sən qırağdan
O qədər aşiqlər özünü atıb,yıxılıb ölüb
Bəzəkli parklarında bir metrlik oturacağdan


Dərdlərə salansan Bakı,bilirəm yalansan Bakı
Sən mənim uşağlığımı,cavanlığımı alansan Bakı
İslanır göz yaşıyla rütubətli nəmli şəhər
Baxanda qız qalasından görünür qəmli şəhər


Elə bir adam yoxdu itirməsin səndə nəyisə
O qədər çox şey itib küçələrində sən arama
Qoy əsən küləklərin aparmasın papağları
Başı örpəkli qadınların saçların darama




Səndə haqlısan bəlkə,mən kiməm ki çox danışım?
Hələ var gedənlərin,hələ var gələnlərin
Ucalır günü gündən,az qala çatır səmaya
Məndəki ahu nalələr,səninsə göydələnlərin

Ağladıb güldürən Bakı,işığımı söndürən Bakı
Kimlərə əl tutub sonradan süründürən Bakı
İnan ki bilməmişəm mən heç zaman xasiyyətini
Bədənimi süründürüb,ruhumu öldürən Bakı


Səndə var qız qalası,məndə var dərd qalası
Sənin var göy xəzərin,mənimsə gözümdə yaş
Sənin var yanardağın,mənim var yanan ürəyim
Bu qədər oxşuyuruq deyə seçdim səni sirdaş

Bakı mən sənin torpağında bitən bir ağacam
Saraltma yarpağını,qopartma budağları
Bəlkə də ayrılarıq eşitmərəm mən bu səsi
Əziz Bakılılar və şəhərmizin qonağları










Bütün müəllif hüquqları “Musics of Azerbaijan” tərəfindən qorunur. © 2023

Etiketlər :

#Bakı #ElvinNasir #MusicsofAzerbaijan