Скачать или смотреть شيلة فخر شهران ، بيشه مقر الجود 🔥، مهداه لـ محمد حسن الصقور الشهراني 👏🏻 ، اداء العذب | 2026

• للتواصل والتصميم على الواتسأب :
‪+966 54 883 5197‬

• كلمات عبدالكريم البدراني
• اداء العذب
• تنفيذ الذرب


شيلة مهداه لمالك الابل :
محمد بن حسن الصقور الشهراني


يالله ياحاكم جميع الكون بالحكم العدال
ياذا الجلال الي برجواك المعافى والضرير

انت الكريم المستعان الي عليك الاتكال
وانت العظيم الي مافي ملكك وكيل ولا خشير

ياوامر الماء من زراق الموج لـ بطون الخيال
واليل بامرك ينجلي والصبح بامرك يستنير

خير الكلام و هيبة المنطوق وابرك مايقال
اللي نعظم به شموخك ياعزيز و ياقدير

واليا بغيت القاف شديته مثل شد الحبال
قام يتصافق بالضمير تقول سيلٍ في محير

ياراكب الي ماشريته للوقوف وللظلال
شاريه للطرقة وللازم وللدرب العسير

جيب براد مكيفه كته نسانيس الشمال
ليا وزنت التهوية كنه يجي له من غدير

تفتح قفل بابه بريموتٍ كبر خشم الغزال
وتشغله بالبصمة الي كنها عين البعير

واليا اشتغل يمشي من الديرة قبل وقت الزوال
بمهمتن مستعجلة والدرب واضح للمسير

يبجد عفيف مع العصر واليا تعدا ظلم مال
يم الديار الي على اقصى حد مكة من عسير

واليا تعديت الدير ماهو قصور بالرجال
عجلان والعجلان وقته كنه السيف الشطير

للديرة الي دونها عبلة وباقصاها جبال
وعلوها وادٍ يحوله على سد غزير

بيشة مقر الجود والامجاد والاسما الثقال
الي لاهلها يشهد التاريخ ويقر القرير

ماودي اسهب بالكلام ويتسع باب المجال
ياكثر الاسما مير يكفي طاري الاسم الشهير

اسم الصقور الي يساق اله الثنا سوق الدلال
ويساق له طيب الكلام الي يفوح من الضمير

صميدعن تتعب طموحاته مداغيش العيال
جهودهم طول السنة يوميبها حزة عصير

ماحقق العليا وهو مرتاح والا ورث مال
حرٍ مدربه الزمن قبل يتنهض للمطير

مولع باهل الحسد نار الغبينة والنكال
وكبودهم كنه يقلبها على جمر السعير

راس بدويٍ بالبداوة ماعلى عرفه جدال
يعلم الي مايعرفون الحنين من الهدير

تنشط بداوتهم ليا شح الضحى والليل طال
وتضيع لاقامت معاصير القوايل تستدير

واليا اعلن النادي وقال اليوم ياصحاب الحلال
بالساعة الي تظهر المصقول من بطن الجفير

كنه يقول الرقم الاول عاقلينه بالعقال
شوفوا لكم فرصة من الثاني اليا الرقم الاخير

ليا لقى الي خشمه مقوس كسر خشم الريال
واليا نوى له نادره خلا زباينها نفير

مايقني الا الغارب المنقاد والوسر العدال
على نظر عينه وشوره مايدور له شوير

خطو الشناح الي ورا القعدة تومي يالسبال
صفرا معامقها تعلق بين علوى والظفير

يابو حسن ترفع لك البيضا على روس الطوال
وتشيلها عوص الركاب الي تقلد بالحرير

تعيش يافخر شهران الي لهم في كل حال
مثل الحزام الي يعدونه لاجا اليوم الكبير

وعاد شهران بوقتنا الحاضر وفي ماض الليال
قبيلتن ماتارد الامجاد بالحبل القصير

يوم الحزيرة تصطفق بين المشوك والسلال
كم جندلوا باخصاهم من فوق عجلات المغير

على المهار الي مدق كعوبها مثل الدحال
ليا عثوا في سربتن خلو جماحمها طشير

قولٍ على سابق فعل ماهوب من وحي الخيال
ياقف به الرجال ويناطح به الجمع الغفير