Скачать или смотреть Makhdoom Abdul Rehman Shaheed| Shuhada kaburistan | Hazrat Muhmad saww ka naam Paton PR |Panjtan pak

#Makhdoom_Abdul_Rehman_Shaheed


درگاهه مخدوم عبدالرحمان

درگاهه مخدوم عبدالرحمان: هيءَ درگاهه کهڙن، تعلقي گمبٽ، ضلعي خيرپورميرس ۾ واقع آهي. درگاهه کهڙن وارن بزرگن مان ناليواري اولياءُ مخدوم عبدالرحمان شهيدولد محمد بن محمد عاقل پهرين جي آهي. مخدوم عبدالرحمان ڪلهوڙن جي دور ۾ ٿي گذريو آهي. پاڻ اهل شريعت هو، بنا ڪنهن رک رکاءَ جي پنهنجي نقطهء نظر مطابق واضح راءِ ڏيندو هو. ڪلهوڙا حاڪممٿس ناراض رهندا هئا، جن ڪاوڙجي هڪ ڀيرو سزا طور کيس خدا آباد بدر به ڪيو. ڪلهوڙن جي حاڪميت ۾ فوج کهڙا شهر تي حملو ڪيو ۽ مخدوم عبدالرحمان سميت 222 ماڻهن کي شهيد ڪري ڇڏيو.شاهه عبداللطيف ڀٽائي، شاهه ولي اللهمحدث دهلوي، مخدوم محمد معين ٺٽوي، محمد زمان لنواري وارو، مخدوم ضياءُ الدين، مخدوم محمد هاشم ٺٽوي هن جا همعصر هئا. درگاهه جي طرز تعمير ڪلهوڙن جي دور جي ياد ڏياري ٿي. درگاهه جي مقبري ۾ کهڙن وارن بزرگن جون مزارون آهن، جن جو تعداد 9 آهي. سڀئي مزارون ٿلهي تي آهن، جن کي سائي رنگجو احاطو ڏنو ويو آهي. مزارن تي موڙ ۽ پڙ پيل آهن. درگاهه جو قبو چورس هجري وارو آهي، جنهن جي مهاڙيءَ ۾ ٽي طاق آهن، ٽنهي مان وچئين طاق ۾ چوڪنڊو ڪاٺ جو سائي رنگ سان در نصب ڪيل آهي. مهاڙي واري ۽ ٽنهي طاقچن ۾ ٽي ڪالم آهن، جن مان ٻنهي پاسي ٽنهي ڪالمن ۾ ٻه ٻه کسي دريون آهن وچ وارو طاقچو پاسي وارن ٻنهي طاقچن کان مٿي قبي جو تاج ٺاهي ٿو، تاج تي ٻنهي پاسي کان ٻه ٿنڀڙيون ۽ انهن تي ڳنڌڙيون آهن،جن تي نيلون نصب ڪيون ويون آهن. ٿنڀڙين جي وچ واري حصي ۾ ڀت تي ڪنگريون ٺاهيون ويون آهن، مقبري جي ٻنهي پاسن واري ديوار ۾ پڻ ٽن قطارن ۾ ست ست ونگايون دريون آهن. قبي جي چئني ڪنڊن تي ٿنڀڙيون انهن تي ڳنڍڙيون ۽ انهن مٿان وري نيلون آهن. ٻيڙ ٻني تي چؤڦير بٺيءَ نموني ڪنگريون ٺهيل آهن.اٺ ڪنڊي ڳچ تي ڪنڊ جوڙون ڏئي گنبذ رکيو ويو آهي. گنبذ تي ابتي ڪوڻي جي گل مٿان نيل ۽ ان تي ڪلسو ڏنو ويو آهي. مقبري کي سفيد رنگ ڪيل آهي. قبي جي پوءِ واري وقت ۾ مرمت ٿيل ڀاسجي ٿي. مقبري جي ڳچ ۾ چئني پاسن کان چوڪنڊا روشندان ڇڏيل آهن. قبي جي مهاڙيءَ ۾ ڪجهه قبرن مٿان تازي ڪوٺي تعمير ڪيل آهي، جڏهن ته سيمينٽ جي بٺين واريون قبرون پڻ آهن. درگاهه جي ڀر ۾ ساڳيءَ طرز تعمير واري مسجد آهي. مسجد پڻ پراڻي تعمير ٿيل ڏسجي ٿي.

#Motivational_Skills_By_Sufi_Shar
#Khura #PatonPrPanjtanPakK_Naam
#KhuraQabrustan
#شہیدوں_کاقبرستن
#پتوں_پر_نام
#Sufi_Shar
#Amjad_Shar