Скачать или смотреть 'वासुदेव आला हो'..वासुदेव आला...

‘वासुदेव आला हो.. वासुदेव आला’ असं म्हणत पहाटेच्या वासुदेव दाराशी आला. पांढरा डगला, लाल धोतर, मोरपिसं लावलेली त्रिकोणी टोपी. त्या टोपीला रुद्राक्षांच्या माळा गुंडाळलेल्या. कपाळावर एक पांढरा आकडा. आकड्याच्या मध्ये शेंदरी टिळा अशा वेषभूषेतील वासुदेवाचे नऊ महिन्यांनंतर दर्शन झाले.
पहाटे पहाटे सुमारास ‘वासुदेव आला हो.. वासुदेव आला,’ म्हणत वासुदेवाचे स्वच्छतेचा संदेश देत आपल्या पहाडी आवाजात टाळ आणि चिपळ्यांची साथ देत दारोदारी हिंडताना दर्शन झाले. स्वच्छतेचा संदेश जगभरात पोहोचविणारे संत गाडगेबाबा, महात्मा गांधीजी यांच्या नावाचा उल्लेख करून ताई, माई, आई, दादा, बाबा करीत संत तुकाराम महाराज, संत ज्ञानेश्वर माउली, हरी हरी ओम विठ्ठला विठ्ठला यांच्या अभंगांच्या चालीवर वासुदेव संदेश देत होता.

ना घर, ना दार, भटके समाज म्हणून पोटाची खळगी भरण्यासाठी गावागावांत पहाटे चार वाजताच्या ठोक्याला पोचावे लागते तेव्हा आमच्या कुटुंबाच्या पोटाची खळगी भरते, असेही वासुदेवाने सांगितले.

समाजाची झाली दशापूर्वीच्या काळात अंगणात वासुदेव आला की, भाग्याची गोष्ट मानली जात असे. कारण त्या रूपाने श्रीकृष्ण घरी आल्याचा आनंद होत असे, अशी काही लोकांची धार्मिक भावना आहे. छत्रपती शिवाजी महाराजांच्या कालखंडात वासुदेव हा समाजप्रबोधन करणारा समाज अशी त्यांची ओळख होती. परंतु आज या समाजाची पार दशा झाल्याचे वासुदेवाने सांगितले. छायांकन अनिल फाळके