Скачать или смотреть Dino Sarti - In dal pôrt d’Amsterdam

Cerchi il testo di una canzone in dialàtt bulgnaiṡ? Segui il mio blog: https://canzonidialettobolognese.word...

La canzone non è mia, non ho alcun diritto di copyright sulla stessa, ogni diritto va agli autori.

TESTO:

In dal pôrt d’Amsterdam i marinèri cànten,
e in stäl mänter chi cànten al pinsîr l’é luntàn.
In dal pôrt d’Amsterdam i marinèri dôrmen
con i gåmmt apugè con la tèsta arvarsè.
In dal pôrt d’Amsterdam i marinèri môren
péṅn ed bèrra ed pinsîr mänter fòra al fa dé.
In dal pôrt d’Amsterdam i marinèri pió żûven
ch’i s’én bän inbarieghè, dåpp is métten a zighèr.

In dal pôrt d’Amsterdam i marinèri magnén
e in stäl mänter chi magnén i bacâjen tra d låur:
“T î bän stè furtunè che burâsca cla nòt,
con al cûl che t é avò et psréss vénzer al lòt”.
Una pózza ed pass fradd in cla vècia ustarî
pr ogni pèr che va żå, dû o trî rått in van vî.
E pò dåpp quall andén a magnèr,
i ṡgargnazén ch’fan pòra
e i cipåulen äli tatt ed cla pôvera żdåura.

In dal pôrt d’Amsterdam i marinèri balén,
e is sfraighen la panza, la panza däl dòn.
E i préllen e i balén, e in tirén mâi fiè
con un pôvr urganén d ón ch’al pâsa par d lé.
I fan pazî par lî, la pió vècia dal grópp,
che pr un âtum la s sént la regéina dal pôrt.
Däl gran pâc int al cûl che åur l’é drizè,
fénn ch’al pôvr urganén an i é pròpi pió fiè.

In dal pôrt d’Amsterdam i marinèri bàvven,
e i bàvven e i bàvven, e po' i bàvven ancåura.
E i bàvven a la salûd däl putèn d’Amsterdam
e a tótti äli putèn ch'ai in gîr pr al månnd.
E a qualli chi én in gîr pr amåur,
e a qualli ch’an brusè al pajén
par mèll franc ed pió e con äli lègrum äli uc’.
E is sgrulèn col dîda e is métten a pisèr,
a la fâza däl dòn chi gni an brîṡa a sptèr.
In dal pôrt d’Amsterdam!
In dal pôrt d’Amsterdam!
In dal pôrt d’Amsterdam!