Скачать или смотреть შეხვედრა ელჩებთან

რეგიონული განვითარებისა და ინფრასტრუქტურის მინისტრი დავით ნარმანია ჩინეთისა და ჩეხეთის რესპუბლიკების ელჩებს: ჩენ ჯიან ფუს და ივან იესტრჟაბს შეხვდა.

ჩინეთის ელჩთან შეხვედრაზე მხარეებმა ორ ქვეყანას შორის არსებულ ურთიერთობებსა და იმ პროექტების შესახებ ისაუბრეს, რომლებიც საქართველოში ჩინური კომპანიების თანამონაწილეობით ხორციელდება. საუბარი, ასევე, ინფრასტრუქტურის სფეროში სამომავლო თანამშრომლობის გაღრმავებასაც შეეხო.

ჩეხეთის ელჩთან შეხვედრაზე მხარეებმა ორ ქვეყანას შორის არსებული ურთიერთობების შედეგები შეაჯამეს. ყურადღება, ასევე, თანამშრომლობის სამომავლო პერსპექტივებზე გამახვილდა. ჩეხეთის ელჩმა გამოთქვა კმაყოფილება ორი ქვეყნის შესაბამის უწყებებს შორის არსებულ წარმატებული თანამშრომლობის გამო და გამოთქვა მზადყოფნა საქართველოს რეგიონული განვითარებისა და ინფრასტრუქტურის სამინისტროსთან სხავადსხვა სფეროში სამომავლო თანამშრომლობასთან დაკავშირებით. განსაკუთრებული ყურადღება მან მყარი ნარჩენების მართვის სფეროსა და მაღალმთიან რეგიონებზე გაამახვილა.