𝐆𝐮𝐫𝐨 𝐚𝐛𝐮 𝐣𝐚𝐦𝐚𝐥 🎙️ حفظه الله ورعاه.
𝐓𝐚𝐧𝐝𝐚𝐧𝐠𝐢𝐧𝐠𝐚 𝐬𝐚 𝐦𝐚𝐭𝐚𝐧𝐨𝐬 𝐚 𝐩𝐚𝐦𝐚𝐦𝐚𝐤𝐢𝐧'𝐠𝐚𝐧. 🎧
Ini Iza ko Shiekh (Muhammad Bn Sālih Al-Othaimeen) - Rilaan skaniyan o Allah - : Ino ba khapakay so Kapaganad sa Ilmo a siibo siiko manga Kitab sa knaba siiko manga Ulamah, botadilabao igira aya btad iyan na Pakargn so Kapaganada ko Ilmo misabap siiko Kainot iran e bilangan ? Nago Antonaay ilayan ka siiko Katharo o Githaro a : Sadn sa Taw a aya Shiekh iyan naso Kitab na so Karibatan iyan na mas madakl adiso Kapakatititho niyan ?
Sa Simbag iyan a Giniyan Tharoon : Da sangkaan a mataan a so Ilmo na pka paroli a nggolalan ko kapaganada ron ko manga Ulamah, nago nggolalan ko kapaganada ron ko manga Kitab, kagiya mataan a so Kitab o Aleem na skaniyan dn mismo so Aleem, sa skaniyan na gi kaniyan panotholan siiko Kitab iyan, sa amay ka di kagaga so Kapaganad ko manga Mamponay sa Ilmo, na mataan a skaniyan na paganadn iyan so Ilmo siiko manga Kitab, ogaid na so Kapaganada ko Ilmo siiko okit o manga Ulamah na mas marani siiko Kakaparoliya niyanon adi siiko okit o manga Kitab, kagiya mataan a so nganin a pka paroli ko okit o manga Kitab na Tanto ko Pakadokaw nago Kailangan iyan so Panamar a Mala, na man pn gyoto na igira na di ron pakarayag so sabaad a manga Btad, sa lagido mapapadalm ko manga Qaidah Shar,iyah (Atoran siiko Agama) a so ini btad skaniyan a Qaidah o manga Ulamah nago so manga Dhawabit, sa kinanglan na adn a pkandodan iyan a pd ko manga Mamponay sa Ilmo siiko diyangka a Kapkagagaon
ﻭﺃﻣﺎ ﻗﻮﻟﻪ: "ﻣﻦ ﻛﺎﻥ ﺩﻟﻴﻠﻪ ﻛﺘﺎﺑﻪ ﻓﺨﻄﺆﻩ ﺃﻛﺜﺮ ﻣﻦ ﺻﻮاﺑﻪ"، ﻓﻬﺬا ﻟﻴﺲ ﺻﺤﻴﺤﺎ ﻋﻠﻰ ﺇﻃﻼﻗﻪ ﻭﻻ ﻓﺎﺳﺪا ﻋﻠﻰ ﺇﻃﻼﻗﻪ، ﺃﻣﺎ اﻹﻧﺴﺎﻥ اﻟﺬﻱ ﻳﺄﺧﺬ اﻟﻌﻠﻢ ﻣﻦ ﺃﻱ ﻛﺘﺎﺏ ﻳﺮاﻩ ﻓﻼ ﺷﻚ ﺃﻧﻪ ﻳﺨﻄﺊ ﻛﺜﻴﺮا، ﻭﺃﻣﺎ اﻟﺬﻱ ﻳﻌﺘﻤﺪ ﻓﻲ ﺗﻌﻠﻤﻪ ﻋﻠﻰ ﻛﺘﺐ ﺭﺟﺎﻝ ﻣﻌﺮﻭﻓﻴﻦ ﺑﺎﻟﺜﻘﺔ ﻭاﻷﻣﺎﻧﺔ ﻭاﻟﻌﻠﻢ ﻓﺈﻥ ﻫﺬا ﻻ ﻳﻜﺜﺮ ﺧﻄﺆﻩ ﺑﻞ ﻗﺪ ﻳﻜﻮﻥ ﻣﺼﻴﺒﺎ ﻓﻲ ﺃﻛﺜﺮ ﻣﺎ ﻳﻘﻮﻝ.
Sopman so Katharo iyan a : "Sadn sa Taw a aya Dalil iyan naso Kitab iyan na so Karibatan iyan na mas madakl adiso Kapakatititho niyan " sa giyanan na knaba anan Korik siiko kapaka Rarabray (kapaka rarangkom) iyan nago knaba Binasa siiko Kapaka Rarabray niyan, so pman so Manosiya a pkowaan iyan so Ilmo siiko apiya andaa Kitab a pkailay niyan, na da sangkaan a mataan a skaniyan na Pkaribat sa madakl, so pman so aya niyan sasarigan siiko kapaganad iyan na siiko manga Kitab o manga Mama a Kilala siiko Sarig ko Ilmo, na mataan a giyanan na knaba paka dakl so karibatan iyan, kna ka kapakay a kabaloy a maka titho siiko kadaklan a giniyan Tharoon.
Si Shiekh Abu Jamal na adn a Manga pdiyan a Manga Ulamah a pkhaizaan iyan a Yamakapasad sa Saudi Arabia, Lagidi Shiekh Muhammad Taha Landok a miya Ustadh pn sa Waqf, nago miyakapasad sa Libiya a lagidi Shiekh Abul Ghamidie, nago Yakapasad sa Jordan a lagidi Shiekh Abu Jihad a andang a miya Ustadh sa Waqf, nago Yakapasad sa Misr a lagidi Shiekh Abu Nahlah a andang a miya Ustadh sa Waqf, agoso pda manga Pdiyan a manga Ulamah, nago miyanga momoret iran a miyaganad sa Liyo nago siiko manga ala Madrasah sa Marawi, minsan pn gyoto a da maka pangadi si Shiekh Abu Jamal sa Liyo na Kinilala iran so Ilmo iyan ago Tyazkiya iran.
-Si Shiekh Abu Jamal na isa Skaniyan a yakilala a aya niyan dn Pagosayn na so Makapantag ko Tawheed nago so karata o Shirk nago Kufr nagoso Kapananggilae ron, nago Yakilala ko Kipanolon ko Sunnah nago so Kapananggilae ko Bid,ah, nago so Karata o Kanggrupo a paka oparik ko Kapagagama التحزب a giyanan dn so Dipanapar o Manga Ulamah Salafiyah, nago So Kisusugoon ko Kaisa isa siiko Kitab ago Sunnah ko sabuton o Manga Salafu Salih, nago Yakilala skaniyan ko Kipsaparn ko Kasuborno, a sa Oras oto na so Sabaad ko manga Ulamah ago Ustadh na Papakayn iran ka kagiya kon a Sadka, Sopman so tigo sabaad a : Inobo a ipndalil iyan so Katharo e Sayd Qutub, ago Dr. Qardawi ? Badi Nanao sa Ikhwani si Abu Jamal? : Aya smbag na sa gyangkoto a Masa na aya misosogata iyan na manga Ulamah a Papopolitika, a Babagrn iran so pamakawma sa Ranao a manga Kapir a Politician, sa Ipndalil a manga Ulamah oto naso manga Katharo e Qardawi, maana gyoto a manga Ulamah na tanto ko Bolawan a kaiilaya iran ko manga Ulamah a Ikhwanul Muslimen, na Psmbagn iyan siran sa Nggolalan ko Pkababayaan iran a Ulamah ka Ipag Ilzam iyan kiran oto, sa da karata oto ka so Shiekhul Islam Ibn Taymiyyah - Rahimahullah - na siiko Kapsmbaga niyan ko Manga Ahlul Bid,ah sa masa niyan a pdko manga Ahlul Kalam ago Sufie, na aya niyan kiran pagosarn a manga Katharo na saki Fakhr Ar-Razie nago Gazalie a pdko manga Ulamah iran agoso Salakaw kiran, gyoto e Katharo a andang e Shiekh Abu Jamal a Makapantag ko manga Bityara ko Aqidah nago siiko Tawheed ko kapaka sosopaka iran agoso pda manga Ulamah a Knaba magistrikto ko Tawheed na "Ayadn a kakhowa na so katharo o manga Ulamah sa Tawheed".
والله اعلم
-𝘼𝙗𝙪 𝙆𝙝𝙪𝙯𝙖𝙞𝙢𝙖𝙝 𝘼𝙡-𝙁𝙖𝙧𝙤𝙪𝙠 𝙃𝙎
Информация по комментариям в разработке