Скачать или смотреть Aarii keenya Too'achuuf Maal Gochuu qabna

Hundi keenya yeroo tokko tokko ni aarra.Garaagarummaan jiru sadarkaa aarii keenya itti too’annuudha.Murtoon aariidhaan murteessinu yeroo booda aarsaa nu baasisuu danda'a.Kanaaf aarii keenyaa too'achuuf maloota kannin haa fayyadamnu:

✅1.Aarii keenyaaf beekamtii kennuu!
Miira aarii keessa osoo jirruu waan hin aarre of fakkeessuuf yaaluun gaarii miti.Haala nu mufachiise akkamitti akka jijjiirru akka hin yaadne nu dhorkuu qofa osoo hin taane, fayyaa sammuu keenyaaf, garaacha keenyaaf, dhiibbaa dhiiga keenyaaf gaarii miti.Garuu aaruu keenya yommuu amannu of tasgabbeessuu dandeenya.Kanaaf aarii keenyaaf beekamtii haa kenninu.✅2.Wanta nu aarsu adda baasnee hubachuu!
Aarii keenya erga fudhannee booda maaliif akka aarru yaaduun barbaachisaadha.Wanta nu aarsu yemmuu adda baasne ilaallu furmaata isaas haaluma sanaan barbaaduu dandeenya.Tokko tokko bifa salphaan bira darbuu dandeenya kaan immoo furuuf waan tokko gochuu akka qabnu hubanna.Kanaaf wanta nu aarse gargar baasnee beekuun dirqama.

✅3.Sochii Qaamaa Gochuu!
Aariin miira sammuu keenyan walqabatu ta'us qaamaa keenya irrattis ni mul'ata.Fkn:Harka marachuu,qaamni keenya sardamuu fi kkf. Sochiin qaamaa miira aarii kana salphisuuf mijataa dha.kanaaf yemmuu miirri aarii nutti dhaga'amu sochii qaama nuuf mijatu gochuun gaariidha.Yoo xiqqaate deemsa miila gochuu dandeenya.

✅4.Wantoota nu aarsan Galmeessuu!
Wantoota nu aarsan galmeessinee irratti yoo xiinxalle wantootni walfakkaatan irra deddeebi'uun akka nu aarsan arguu dandeenya.Kunis caalaatti akka of hubannu nu taasisa.Yeroo of beeknu karaa deemnuu fi akkamitti akka achi geenyu ifa waan ta’eef tasgabbiin aarii keenya too’achuu ni dandeenya.

Walumaagalatti yeroo wanti nu aarsu nu mudatu tooftaa aarii keenya ittin too'annuu Fi dhimma nu aarsee ittin sirreessuu dandeenyu irratti xiyyeeffachuun filannoo sirriidha.

oro inspire official YouTube channel viidiyoo kaka'umsa barsiisaa, caqasa, haasaa maxxansaa.

Viidiyoon walqabatan ilaalcha badaa gara gaariitti jijjiiranii fi fooyya'aa ta'anis ni argamu. Viidiyoowwan kana subscribe gochuun namoota biroof share gochuun maatii fi deeggaraa chaanaalii gaarii kanaa ta'aa.
Barnoota xiinsammuu mimmiidhagoo argachuuf miidiyaa kana haa hordofnu
Subscribe like coment gochuu hin dagatiinaa
Oro inspire