黃劍文 / 李家謙 - 我們的 - 瑪嘉烈與大衛 - 主題曲 - Viu Tv - Chill Club

感恩 能夠在 Chill Club 演唱 自己的作品 #瑪嘉烈與大衛 主題曲 「 #我們的 」 今次 加左 #李家謙 嘅二胡伴奏 希望帶比大家 一種新鮮嘅感覺 我自己就覺得 好有feel 以前係Melbourne 有見人哋 busking 用二胡 都冇諗過 可以同二胡一齊jam歌 因為見到 李家謙 用二胡 拉咗 Sammi嘅 我們都是這樣長大的 實在太好聽 太有feel 所以先邀請佢 同我一齊jam歌 冇諗過 除咗邀請佢去 我音樂會 做嘉賓 之外 仲邀請到佢 嚟 Chill Club 同我jam歌 今晚睇完播出 好滿足 非常多謝 Viu TV 多謝監製嘅信任 因為我最初推介 同我jam歌嘅人 就係 李家謙 當然嚟緊 會有同我jam開歌嘅朋友 同埋甚至我係街頭 busking 認識嘅新朋友 真係好希望 將我認為喜歡嘅音樂 我認為好聽嘅音樂 同大家分享 好想再次多謝 南方舞廳 因為瑪嘉烈與大衛 綠豆 同 前度 都搵我唱主題曲 若果沒有 瑪嘉烈與大衛 主題曲我們的 我今日就唔會係Viu TV出現 我曾經 放棄過夢想 但係離唔開音樂 所以28歲果年 走咗去澳洲 🦘working holiday 冇諗過 Melbourne 街頭嘅音樂文化 影響咗我 去到就開始 busking 改變左我嘅生活 每個月 最少20日係喺街頭唱歌 我英文唔係好好 當時我稱 #Melbourne 為「貓笨」又稱呢個地方 係我夢想啟程地 澳洲 #busking 嘅生活 一年半 開始向歐洲 其他亞洲嘅國家 出發 最鍾意話比人聽 四年裏面 去咗17個國家 39個城市演唱 點解我要咁樣話比人聽 我想提我自己 為着音樂 為咗夢想 我都可以好瘋狂 當中嘅經歷 回憶 都是美好 都是讓我每日成長 太多美好嘅事 好希望大家 都唔好放棄自己嘅夢想 勇敢嘅踏出一步 勇敢嘅去嘗試 唔好怕俾人笑 好好做好自己 become a better you 向着目標進發 思想自己想做嘅事 總有一日會發生 我嘅夢想係會實現嘅 💪🏻💪🏻 冇諗過咁樣諗諗吓 就真係實現咗 非常感恩 能夠做到自己鍾意做嘅事 非常感恩 有一個平台 讓我分享音樂 就係咁樣我已經好滿足啦 ❤ 最後希望你哋鍾意我嘅歌曲 「我們的 」 原本呢首歌 係記錄自己嘅成長 對媽媽嘅思念 P.S 有啲嘢唔係理所當然 希望我哋好好珍惜我哋所擁有嘅 勇敢面對人生 好好愛我哋身邊嘅人