Скачать или смотреть Landmark Village & Entertainment City are going to materialize the future growth of Calicut

Landmark Village & Landmark Entertainment City are going to materialize the future growth of Calicut.

കോഴിക്കോട് അതൊരു നാടല്ല, സംസ്‌ക്കാരമാണ്. കോഴിക്കോട്ടെ കാറ്റിനുപോലുമുണ്ട് വശ്യസുന്ദരമായ തലോടലിന്റെ സുഖാനുഭൂതി. അത് മനുഷ്യ സ്‌നേഹത്തിന്റെ മറുരൂപമാണെന്ന് കൂടി പറയേണ്ടി വരും. അതാണ് കോഴിക്കോടും, കോഴിക്കോട് വസിക്കുന്നവരും പകര്‍ന്നു നല്‍കുന്ന സ്‌നേഹം. ഒരിക്കലും മറക്കാനാകാത്ത മാധുര്യമൂട്ടുന്ന മിഠായിത്തെരുവ്, കലാകാരന്മാരുടെ നിറസാന്നിധ്യം കൂടിയാണ് കോഴിക്കോട്. സാഹിത്യത്തിലൂടെ അക്ഷരങ്ങള്‍ അനുഭവങ്ങളായി പകര്‍ന്നു തന്ന എഴുത്തുകാരുടെ നാട്. സംഗീത സന്ധ്യകളും ഗസലിന്റെ ഈണങ്ങളും അലകളാകുന്ന കോഴിക്കോടിന്റെ വീഥികള്‍. സ്‌നേഹവിശുദ്ധികൊണ്ട് ആരുടെയും ഹൃദയം കവരുന്ന ആളുകളെക്കൊണ്ട് നിറഞ്ഞ നാടാണ് കോഴിക്കോട്. കോഴിക്കോടിന് പുരോഗതിയുടെ പുത്തന്‍ ചക്രവാളങ്ങള്‍ സൃഷ്ടിക്കാന്‍ കടന്നുവരികയാണ് ലാന്‍ഡ്മാര്‍ക്ക് വിലേജും, ലാന്‍ഡ്മാര്‍ക്ക് എന്റര്‍ടൈന്‍മെന്റ്‌സിറ്റിയും.


അറിവിന്റെ മഹാനഗരമായ നോളജ്‌സിറ്റിയോടു ചേര്‍ന്നു ലാന്‍ഡ്മാര്‍ക്ക് വില്ലേജ് സാധ്യമാകുന്നുവെന്ന പ്രത്യേകതയുമുണ്ട്. ഭാവി സുരക്ഷിതമാക്കാനും ഒപ്പം നോളജ് സിറ്റിയുടെ ഗുണങ്ങള്‍ തലമുറകള്‍ക്ക് പ്രയോജനപ്പെടുത്താനുമുള്ള ഇടം കൂടിയാണ് ലാന്‍ഡ്മാര്‍ക്ക് വില്ലേജ്.

ആരോഗ്യം, വിദ്യാഭ്യാസം, പാര്‍പ്പിടം, വ്യവസായം എന്നിങ്ങനെ ജീവിതത്തിന്റെ പ്രധാനധാരകളെ കോര്‍ത്തിണക്കുന്ന നോളജ് സിറ്റിയും ലാന്‍ഡ്മാര്‍ക്ക് വില്ലേജും സമന്വയിക്കുന്നത് കോഴിക്കോടിന്റെ പുതിയൊരു വികസന പാതയിലേക്കാണ്.

കോഴിക്കോട്- വയനാട് ജില്ലകള്‍ക്കിടയിലെ, അടിവാരത്ത് പ്രകൃതിരമണീയമായ 35 ഏക്കറില്‍ ലാന്‍ഡ്മാര്‍ക്ക് എന്റര്‍ടൈന്‍മെന്റ് സിറ്റി എന്ന വിസ്മയകരമായ സ്വപ്‌ന സാമ്രാജ്യം ഒരുക്കപ്പെടുന്നു. കേരളത്തിലെ ഏറ്റവും വലിയ വിനോദ കേന്ദ്രമെന്ന ഖ്യാതി നേടിക്കൊണ്ട് മലയാളി മനസുകളില്‍ ഇടം പിടിച്ച നൂതന സംരംഭമാണിത്. ലാന്‍ഡ്മാര്‍ക്ക് എന്റര്‍ടൈന്‍മെന്റ് സിറ്റി സവിശേഷതകള്‍ നിറഞ്ഞ ഒരു മഹാത്ഭുതം സൃഷ്ടിക്കുകയാണ്. ഷോപ്പിങ്ങും എന്റര്‍ടൈന്‍മെന്റും 8 ഏക്കറില്‍ സംയോജിപ്പിച്ചുകൊണ്ടുള്ള ഷോപ്പെര്‍ടൈന്‍മെന്റ് സെന്റര്‍ ഇന്ത്യയില്‍ തന്നെ പ്രഥമമായ ആവിഷ്‌ക്കാരമാണ്. ഇതോടൊപ്പം എജുടൈന്‍മെന്റിന്റെ ഗുണഭോക്താക്കളാകാനുള്ള സൗകര്യം കൂടി ഒരുക്കപ്പെട്ടിരിക്കുന്നു.

ഇന്ത്യയിലെ ഏറ്റവും വലിയ എന്റര്‍ടൈന്‍മെന്റ് സിറ്റികളിലൊന്നായ ലാന്‍ഡ്മാര്‍ക്ക് എന്റര്‍ടൈന്‍മെന്റ് സിറ്റിയുടെ നിര്‍മാണം പൂര്‍ത്തിയാകുന്നതോടെ അടിവാരം കോഴിക്കോടിന്റെ ശ്രദ്ധാകേന്ദ്രമായി മാറും. കോഴിക്കോട് - വയനാട് ജില്ലകളെ ബന്ധിപ്പിക്കുന്ന ചുരത്തില്‍ ഇന്ത്യയിലെ ഏറ്റവും വലിയ റോപ്പ് വേയും സ്ഥാനം പിടിക്കുന്നതോടെ ടൂറിസം ഭൂപടത്തില്‍ അടിവാരം വികസനത്തിന്റെ മാതൃകയാകും.


ലോകോത്തര ബ്രാന്‍ഡുകള്‍ ഉള്‍ക്കൊള്ളുന്ന വൈവിദ്ധ്യമാര്‍ന്ന ഷോപ്പുകള്‍! ഷോപ്പിങ്ങിലെ പുതുപുത്തന്‍ അനുഭവങ്ങള്‍ക്ക് ഇവിടെ നാന്ദി കുറിക്കപ്പെടുകയാണ്. എന്റര്‍ടൈന്‍മെന്റ് സിറ്റിയിലെ ആകര്‍ഷകമായ മറ്റൊരാശയമാണ് വാട്ടര്‍ തീം പാര്‍ക്ക്. നിരവധി അത്യാധുനീക റൈഡുകളാല്‍ നിറയപ്പെട്ട സംവിധാന മികവുള്ള ഗെയിം സോണുകള്‍. ഉല്ലാസഭരിതമായ നിമിഷങ്ങള്‍ക്ക് നിറച്ചാര്‍ത്തേകാന്‍ ഉതകുന്ന അമ്യൂസ്‌മെന്റ് വാട്ടര്‍ തീം പാര്‍ക്കുകള്‍, സ്വപ്‌ന സാക്ഷാത്കാരത്തിന് വഴിയൊരുക്കുന്നു. കുട്ടികള്‍ക്കും മുതിര്‍ന്നവര്‍ക്കും ഒരുപോലെ ആസ്വാദ്യകരമാകുന്ന ക്രമീകരണങ്ങളാണ് ഒരുക്കപ്പെടുന്നത്.

അവരവരുടെ അഭിരുചിക്ക് അനുയോജ്യമായ വിഭവങ്ങള്‍ ലഭ്യമാകുന്ന റെസ്‌റ്റോറന്റുകളും ഫുഡ്‌കോര്‍ട്ടും ഇതിലെ മുഖ്യഘടകമാണ്. ഷോപ്പെര്‍ടൈന്‍മെന്റ് സെന്ററിനെ പിന്തുണച്ച് നിലകൊള്ളുന്ന കള്‍ച്ചറല്‍ വില്ലേജ് മറ്റാരും നാളിതുവരെ ആസൂത്രണം ചെയ്യാത്ത ആശയമാണ്. നമ്മുടെ തനതു ഭക്ഷണം, വസ്ത്രങ്ങള്‍, ആചാരങ്ങള്‍, കരകൗശല വസ്തുക്കള്‍ എന്നിവയെല്ലാം മനസിലാക്കുവാനുള്ള അവസരം ഒരുക്കുന്നു കള്‍ച്ചറല്‍ വില്ലേജ്.

യൂറോപ്പിലെ പൈതൃക സമ്പത്തായ തെരുവും അറേബ്യന്‍ സ്ട്രീറ്റും ഇവിടെ പുന: സൃഷ്ടിക്കപ്പെടുകയാണ്. അറേബ്യന്‍ സംസ്‌കാരവുമായി ബന്ധപ്പെട്ടു നില്‍ക്കുന്ന മലബാര്‍ മേഖലയ്ക്ക് ഈ ആശയം ആനന്ദകരമാകുമെന്ന് നിസംശയം പറയാം. അറേബ്യന്‍ വിഭവങ്ങളും ഉല്‍പ്പന്നങ്ങളും അറബി നാടുകളിലെ പോലെ ഇവിടെയും ഒരുക്കപ്പെടും.

സുഗന്ധവ്യഞ്ജനങ്ങളുടെ നാടെന്ന പ്രശസ്തിയോടെ ലോകത്തിനു മുന്നില്‍ തലയുയര്‍ത്തി നില്‍ക്കുന്ന കേരളം. വയനാട് അതില്‍ ഒന്നാം സ്ഥാനത്തുണ്ട്. വയനാടിന്റെ തനത് സുഗന്ധ വ്യഞ്ജനങ്ങള്‍ ആളുകളിലേക്ക് എത്തിക്കുന്ന പ്രക്രിയയാണ് ലാന്‍ഡ്മാര്‍ക്ക് എന്‍ര്‍ടൈന്‍മെന്റ് സിറ്റിയില്‍ ഒരുക്കിയിരിക്കുന്ന സപൈസസ് വില്ലേജ്. ടൂറിസ്റ്റുകള്‍ക്കും നാട്ടുകാര്‍ക്കും ഇത് വാങ്ങുവാനുള്ള അവസരം കൂടി ഒരുക്കപ്പെടുന്നു. വയനാട്ടിലെ ജനങ്ങളുടെ ഉന്നമനം എന്ന ലക്ഷ്യമാണ് ഈ പദ്ധതിക്ക് പിന്നിലുള്ളത്.

ക്ലബ് റിസോര്‍ഫട്ടും ക്ലബ് അരേനയും ഒത്തുചേരുമ്പോള്‍ കായിക വിനോദത്തിനും അരോഗ്യ സംരക്ഷണത്തിനും വേദിയൊരുങ്ങുകയാണ്. സമ്പൂര്‍ണമായ വിനോദം പലരുടെയും പ്രതീക്ഷയാണ്. അത് യാഥാര്‍ത്ഥ്യമാകുകയാണ് ക്ലബ്ഹൗസിലൂടെ. ദക്ഷിണേന്ത്യയിലെ ഏറ്റവും വിശാലമായ ഈ ക്ലബ്ഹൗസ് പ്രകൃതിരമണീയമായ ഒരേക്കറിലാണ് തയാറാക്കുന്നത്. സ്വിമ്മിങ് പൂള്‍, മള്‍ട്ടി ജിം, ലൈബ്രറി, ലൈബ്രറി, കോണ്‍ഫ്രന്‍സ് ഹാള്‍ തുടങ്ങിയവ ആകര്‍ഷണീയതയും വാസ്തുവിദ്യയുടെ പാരമ്പര്യപ്പകിട്ടും നിറഞ്ഞ ക്ലബ് ഹൗസിന്റെ പ്രത്യേകതയാണ്.

മൂവായിരം കാറുകള്‍ക്കും എണ്‍പതോളം ബസുകള്‍ക്കുമുള്ള പാര്‍ക്കിങ് സ്‌പേസ് എന്റര്‍ടൈന്‍മെന്റ് സിറ്റിയിലുണ്ടാകും.


നോളജ് സിറ്റിയോട് ചേര്‍ന്ന,് പരിസ്ഥിതി സൗഹൃദ പാര്‍പ്പിട സമുച്ഛയമായ ലാന്‍ഡമാര്‍ക്ക് വില്ലേജും, നിക്ഷേപ രംഗത്തെ വന്‍സാധ്യത നല്‍കുന്ന എന്റര്‍ടൈന്‍മെന്റ് സിറ്റിയും, പൂര്‍ത്തിയാകുന്നതോടെ വികസനത്തിനും നിക്ഷേപകര്‍ക്കും അനന്തസാധ്യതകളാണ് കോഴിക്കോട് നഗരത്തില്‍ ലഭ്യമാകുക. നമ്മുടെ നാടിന്റെ മഹത്തായ വികസനം എന്ന ആശയത്തിലേക്കാണ് കോഴിക്കോടിന്റെ മുന്നേറ്റം. നിക്ഷേപകര്‍ക്ക് സുരക്ഷിതമായ നിക്ഷേപം ഉറപ്പിക്കാനും ടൂറിസം രംഗത്ത് വന്‍ വളര്‍ച്ചയ്ക്ക് വഴിയൊരുക്കാനും ഈ പദ്ധതികള്‍ വഴിയൊരുക്കുന്നു.