Скачать или смотреть Дар н.Ҷомӣ 15 хона таги лой монд

#Дар_н_Ҷомӣ_15_хона_таги_лой_монд

Шурӯъ аз санаи 7-уми майи соли равон дар Ҷамоати деҳоти Ифтихор деҳаи Навободи ноҳияи Абдураҳмони Ҷомӣ дар натиҷаи боришоти зиёд сокинони маҳаллаи номбурда аз офати табиӣ зарар дида наздики 16 хонаи истиқоматии шаҳрвандон валангор шуда зиёда аз 150 гектар замин пурра хароб гардид. Ҳар дақиқа таҳдиди лағжиши замин мавҷуд буда шаҳрвандон ба ҷойи бехатар кучонида шудаанд. Дар саҳни Муассисаи таълимии рақами 50 и деҳаи номбурда барои зиндагии муваққатии сокинон 30 адад хайма омода гардидааст. Дар ҳақиқат офати табиӣ ба сокинони деҳаҳои Навобод 4 Навобод 5 и Ҷамоати деҳоти Ифтихори ноҳияи ба номи Абдураҳмони Ҷомӣ зарари ҷиддӣ расонида сокинон аз манзили истиқоматии хеш маҳрум гардидаанд. Дар ин мавзеъ ситоди доимоамалкунанда таъсис ёфта Кумитаи Ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилоят баҳри бартараф намудани мушкилоти бамиёномада талош намуда тамоми шароитро баҳри зарардидагон муҳаё намуда истодаанд.
Тибқи маълумоти фаврӣ дар ин мавзеъ бар асари боришоти шадид лағжиши кӯҳпора боиси пурра фурӯ рафтани манзилҳои истиқоматӣ, майдони кишт ва заминҳои наздиҳавлигӣ гардид. Ҳамчунин бар асари ин мушкилоти бамиёномада пули мошингузари шоҳроҳи ноҳияи Абдураҳмони Ҷомӣ ва Ёвон низ хароб гардидааст. Дарозии купрук 12 метрро дар бар гирифта паҳноии он бошад 12 меттро ташкил медиҳад. Пули мошингузар бо дастгирии Вазорати Нақлиёти ҷумҳурӣ соли 2019 пурра навсозӣ гардида дар истифодаи умум қарор гирифта буд. Мутаассифона имрӯз пули мазкур пурра харобу валангор гардидааст. Роҳи мошингузари муваққатӣ барои ҳаракати воситаҳои нақлиёт таъсис дода шудааст. Итминон бар он дорем, ки бо дастгирии Вазорати Нақлиёти ҷумҳурӣ дигарбора ин пул таъмир гардида дар таъмини ҳаракати бехатари нақлиёт мусоидат менамояд. Новобаста ба вазъияти баамаломада Ҳукумати ҷумҳурӣ, масъулини Кумитаи Ҳолатҳои фавқулодда ва мудофиаи граждании назди Ҳукумати ҷумҳурӣ, Мақомоти иҷроияи ҳокимияти давлатии вилоят ва ноҳия баҳри кумак намудан ба зарардидагон талош намуда намегузоранд, ки сокинони деҳаҳои номбурда худро танҳо эҳсос намоянд.
Яке аз хистаҳои инсонӣ ин пеш аз ҳама кумак намудан ба оилаҳои аз офати табиӣ зарардида мебошад. Намояндагони тамоми сохторҳои Мақомоти иҷроияи ҳокимияти давлатии вилояти Хатлон ба кумаки зарардидагон омода буда лар лаҳза ба онҳо дастгириҳои гуногунро мерасонанд.
Сокинон аз он изҳори қаноатмандӣ доранд, ки роҳбарияти ҷумҳурӣ ва вилоят, шаҳрвандони бесарпаноҳмондаро дастгирӣ намуда барои онҳо ҷойи истиқоматӣ дар хаймаҳои муваққатӣ, се вақт хӯрок, оби тозаи нӯшокӣ, нуқтаи хизматрасонии тиббиро дастрас намуда дар ҳалли мушкилоти онҳо мусоидат менамоянд. Хатари лагжиши замин ҳар лаҳза ба мушоҳида мерасад. Аз ин рӯ масъулини Кумитаи Ҳолатҳои фавқулодда ва мудофиаи граждании назди Ҳукумати ҷумҳурӣ ва вилоят намегузоранд, ки шаҳрвандон ба маҳаллаҳои аз офатҳои табиӣ зарардида наздик шаванд. Ситоди доимоамалкунанда дар самти бартарафсозии оқибатҳои офати табиӣ дар ноҳияи Абдураҳмони Ҷомӣ шабонарӯзӣ фаъолият намуда дар таъмини бехатарии аҳолӣ мусоидат менамоянд. Алакай шаҳрвандон имкон доранд аз хаймаҳо истифода баранд. Масъулини ноҳия ёдовар гардиданд, ки хушбахтона талафоти ҷонӣ ба қайд гирифта нашудааст, хонаҳои истиқоматӣ бошанд дар наздиктарин фурсат дар дигар мавзеъ бунёд мегарданд. Ҳеҷ як хонавода аз дастгирӣ ва таваҷҷӯҳи мақомоти давлатӣ дар канор намонда кумакҳои иҷтимоии гуногун дар беҳдошти рӯзгори онҳо расонида мешавад!