Brandhärd feat. Silenus – Luschtmord

Die vierte Video-Auskopplung zum Brandhärd-Album «Zuckerbrot & Peitsche» (2015). Album kaufen unter:
iTunes: http://ow.ly/QBIaK
ExLibris: http://ow.ly/QBIkf
CeDe.ch: http://ow.ly/QBIof
Handy: SMS «igroove HAERD» an die Nummer 900 (CHF 14.00).

Video-Credits
Director | DoP | Postproduction: Dominic Mesmer www.dominantfilms.ch

Dancer: Georgia Begbie
Drone Operators: Ilmarin Fradley, Joschka Purtscher

Special thanks to:
David Altmann, Dominique Iten,
Robert Schiesser, Schweizer Schlittenhunde Sport Verein,
Thomas Loosli (Mühle Vechigen)

Song-Credits
Beat: Fierce
Rap: Silenus & Fetch
Cuts: DJ Johny Holiday
__________________________________________________________________

Lyrics: Brandhärd feat. Silenus – Luschtmord

Silenus: Ich seh di Wält mit andre Auge, was die meischte nit begriffe wänn.
Viel zu gärn, würdi mi Sichtwis ihne witergäh.
Doch stoss nur uf Unverständnis, unverschämti dummi Brämser
Wo ihr ziel verlohre hän und dorum ufgän zkämpfe.
So schad, doch hätte mini Ziel gränze
wär i glich und müesst jedi Zyyle kritisch überdänke.
Doch nei, ich biss mi dri, lo mi vom mim Feeling länke,
Au wenn zitewis mi Dänke sich verstritet mit de Ängst..
In mir drin, bi so fixiert uf dä Rapshit, mängmol wünsch mr ächt ich
Chönnt besser schwätze doch Päch gsi.
Die Tracks sin wie Therapie, sin wie Ketamin
man ich muess spitte, dass' mr guet goht – c'est la vie.
Und wenn du das nit verstohsch isches schad
Isch es hart doch egal y schrib witr bis in Grab
Und bi froh gits paar Mensche wo mi Sicht teile
Sich chönne mitteile und ihres Gsicht zeige.

Refrain: Mr kämpfe jede Daag – sie verstöhn uns nid.
Schreye jede Daag – doch sie ghöres nid.
Verzeyhe jede Daag – sofärn das möglich isch.
Drum woge mr dä Schritt, will das wohri Grössi isch.

Fetch: Lueg mol: Y riss mi Härz us em Bruschtkorb.
Es pumpt no im Takt, zahl die Zyyle do mit Bluetzoll.
Mi Küssi färbt sich rot, y müesst irgendwie mol uffstoh.
Zwyyfel wärde blyybe, zelebriere mr dä Luschtmord.
Und sötty y irgendwenn mol druffgoh,
hänn dr immerhin dä Song vo däm König us em Luftschloss.
Dä Trottel us dr Gosse, im Triumph oder Eländ.
Sie gseehn jo sowieso numme was sie gseeh wänn.
Y veracht sie, doch ha immer gfalle welle.
E Lächle uf dr Lippe während sie mir Falle stelle.
Also spiel y e chli mit, stand immer knapp drnäbe.
Lueg denn wie sie stuune und immer blasser wärde.
Es sinn stummi Triumph.
Also bums-y sie wund, mini Kunscht, mini Sucht.
Sie könne mi nid bräche und in Schablone prässe.
Loss die zahnlose Leue Patrone frässe.

Refrain

F: Sie sinn alles für mi, doch sie wüssed nid.
Mängmol bums y Beats, mängmol küss y si.
Jede Daag e neui Chance - hütt nütz y sie.
Dängged was dr wänn, y lueg dass y glücklich bi.

S: Das isch alles wo zählt, denn schänke duet dr keine was.
Ich hätt so viel Hass z'verbreite, nur verleidet das.
Also lach y in d Wält use, hoff dasses Frücht treit.
Denn scho nur mit dere Handlig hani Glück gsäiht.

F: Also Kopf hoch, so ka di lächle gseeh.
Es hett zwor Schärbe geh, doch mir könne Bächer neh.
Y spür no mini Bruscht, doch keini Schmärze meh.
Gib mr dini Hand, damit-y dir mi Härz ka geh.

S: Mi Härz ka geh, denn elei ischs nid komplett.
Di Verständnis isch Kontext zu däm Songtext.
Ohni Hörer sinn mr stumm, Wörter blyybe stumpf.
Und die Tracks göhn vergässe in däm Sumpf.

Refrain

Mr kämpfe jede Daag – sie verstöhn uns nid.
Schreye jede Daag – doch sie ghöres nid.
Verzeyhe jede Daag – sofärn das möglich isch.
Drum woge mr dä Schritt, will das wohri Grössi isch.