Скачать или смотреть Funeral Program of Sis Paozachiin Guite (62Yrs)

Date: 20th October 2022 ; Time: 10:30 AM ; Place: Bro. Thangchinkhup Residence, Mission Road

Unaunu Dr. Paozachiin Guite Tanchin Tomkim

Unaunu Paozachiin ahihleh (L) Unaupa Kamkhawthawng leh (L) Unaunu Khawlzam te gilagah goutan 3na ahi. 5th November 1960 in Lamka khua ah piang a, a pasal iit tak Unaupa Thangchinkhup Guite toh 10th November, 1984 in saptuam theihpih in Mission Road Biakinn ah Unaupa Thongkhanpau mapina ah kiteng uhi. Pathian apan gilagah goutan tapa 2 & tanu 2 nei uhi.

Leitung nasepna lamah lamzang mahmah in, 1987 in Doctor (MHS-Gr.IV) in sem pan in, amah sepna ah a sangpen, Director, Family Welfare (MHS-Special Grade I) hikawm in a sepna ana khawlsanta hi.

Khalam ah tui leh kha a pianthakna 2nd Aug. 1976 ah Unaupa Ginzatun khut ah tuiphumna ana tang in, Khrist Saptuam ah ginomtak in ana pangtou den in, Saptuam Upa zi hihna toh a khalam khualzinna ana zouta hi.

Unaunu pen Bible chang gen leh Pathian lasakte lunglut mahmah in lasakte kizumpih hetlou in, thaa iit tak leh siamtheih tawp in phatna late sa sek hi. Bible chang leh la etlouh a theih hau mahmah hi. A damlouh gimnung tanpha in
leng lasakkhawmte lunggulh in, asak peih laiteng a innkuanpihte leh amah vehte ana sakpih touden hi.

Damlouhna lam ah tua a natna pen Sept. 2021 a awm (chest) ah Cancer muhkhiak in om thak a, etkol theihna lam chituamtuam ah etkol ahih nung in, hichibang natna huaisetak thuaknawn lou ding in 20th October 2022, 04:00AM in Thupina gam lamah ana paimasata hi.


Livestream by #tulloutv