Скачать или смотреть جولتي بسوبر ماركت بكندا / كوتش أنيسة

السوبر ماركت بكندا تضحك
( اخدم نفسك بنفسك) لكن في كاشيرات ثانيين متوفرين
انا صرت ادفع بالدفع الذاتي تقريبا ١٠٠ بالماية ( احسه اسرع) طبعا لما ما اكون اصور 😬
⚠️بكندا تسوي كل شيء بنفسك ( مافي شيء اسمه خدمة) تعبي بنزينك تشيل اغراضك تأجر تحط تكسر تطير توقع ( انت و نفسك) و مسؤول عن نفسك😅
و صراحة هذا شي شفته جداااا ايجابي لانه يفرض عليك الحركة المستمرة بكل شيء و باي عُمر!
مافي شيء اسمه خدم بالبيت او معينات منزلية ( في بشكل شركات يجون ينظفون او خادمات يشتغلو خاص لنفسهم لكن بالنهاية اسعارهم خيالية كانك جايب دكتور او مهندس و طبعا يشتغلو بالساعة فلك ان تتخيل عشان ينظفو بيتك شكثر ممكن ياخذون
⚠️يعني لو الموضوع مرة وحدة عادي ادفع لكن القصة لما تجيبهم مرتين او ثلاث بالاسبوع يعني معاشك الله يرحمه 😬
⚠️الاعتماد على الذات بكل شيء حتى البنات بكندا يعرفو يصلحو سياراتهم ليش ( لانه الميكانيكي غالي)
⚠️اتوقع غلاء الخدمات بكندا جعل الناس هم يشتغلو بانفسهم كل شيء من تصليحات البيت للسيارة الخ…
لكن ببلداننا الخدمات هذه تعتبر رخصية او في المتناول فالكل تقريبا يقدر يوفرها بسهولة
⚠️سبحان الله كل بلد عشت فيها ، فيها مميزات و فيها عيوب و دائما اجد طريقة للتأقلم مع اي مجتمع عشت فيه بكل حب 🙏💗
و بس والله حبيت اخذكم بجولة معاي بسوبر ماركت و باذن الله باخذكم بجولات ثانين بالمستقبل
اكتبولي رايكم بطريقة الدفع الذاتي ؟ و كذلك شنو الاماكن الي تريدوني اصورها لكم بكندا ؟
و احبكم كوتش أنيسة 💗