Thov Caw Peb Moob Lug Ntseeg Vaajtswv

“Thov Caw Peb Moob Lug Ntseeg Vaajtswv” yog ib zaaj lug qhuab qha caw peb Moob lug ntseeg Vaajtswv. Sov yog moov dlaabtsi, Vaajtswv txuj moo zoo txha le tuaj nrhav tau peb Moob kws nyob sau toj rooj. Peb Moob yeej ib txwm ua le puj ua tseg yawm ua ca peb txha pheej tsi kaam tso tseg tej kev ua neeb ua yaig. Kev ua neeb ua yaig theej tsi tau pep lub txhoj. Roj ntshaa tsaj theej tsi tau roj ntshaa tuabneeg. Yuavtsum yog roj ntshaa tuabneeg rov theej roj ntshaa tuabneeg txha le theej tau xwb.
Vim Vaajtswv hlub tuabneeg nplajteb, nwg txhaj le tso nwg tuableeg tub lug tuag theej peb txhua tug lub txhoj sau tug ntoo khaublig. Yog leejtwg ntseeg nwg tug tub kws yog Tswv Yexus, tug ntawd yuav tsi tuag, tabsis yuav tau txais txujsa ntev dlhawv moog ib txhis tsi kawg. Nwg nyob qhov twg, peb yuav nyob qhov ntawd.
Yog nubnuav koj nov lawd, thov koj xob tog ntev tsaam sijhawm tsi tog koj lawm os mog tug phoojywg kws mov hlub hab tshua aw! Vaam hab ca sab tas thaum koj noog zaaj lug qhuab qha nuav taag, koj yuav thim xaav hab lug txais yuav tug Tswv Yexus ua koj tug cawm seej. Yog koj xaav nrhav txujkev cawm dlim, koj yuavtsum tau moog ntsib cov xibfwb kws nyob huv koj lub zog ko hab nrug puab thaam. Ua tsaug.